Ezekelo 2:7 - Amazwi Yakwe Leza 2013

⁷ Yuvwe nanti yatuvwa wemo uce ukayanene amazwi yane pano uluko lulo ulutalame.

Ezekelo 2:7 Referans Kwoze

Yelemiya 23:28

Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Ezekelo 3:17

“We mwana wa muntu, nemo nakusonta ukuya kalinda wa ina Izlaeli. Wayanena vino nkucelwile.

Ezekelo 3:10

Nupya Leza atwalilila ati, “We mwana wa muntu, uwawaka amazwi yonsi yano nkukunena. Ukutike ningo na matwi yako.

Ezekelo 2:5

Yuvwe nanti yakane ukuvwa, uluko lulo lutalami lulamanya ukuti pakasi kao paali kasema.

Yelemiya 1:7

Lelo Yawe anena ati, “Utalanda ukuti wewe mwance. Ulinzile ukuya ku muntu ali wensi wino nakutuma kweneko, nu kuyamunena ilamulo lyane.

Yelemiya 1:17

Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Yona 3:2

“Katuka, uye ku musumba ukulu uwa Ninive nga ukakosole ilandwe lino nkukupeela ku antu aikala mwenemo.”

Yelemiya 26:2

“Imilila mu musolo wa ng'anda ya Mwene nu kuvwanga vino ninkunena ku antu yano yafuma mu misumba yaku Yuda, nu kwiza kuno ku kupepa. Utasya nanti conga pa kuyanena.

Yelemiya 7:27

Acino wemo nanti umayanena amazwi yaa yonsi, yatalakuuvwa awe. Ulayaama, lelo yatalazumila awe.

Yelemiya 17:20

Uye ukanene yamwene na antu yonsi amuno mpanga ya Yuda, nayauze yonsi akaikala mu Yelusalemu, yano yakapitila pa mpongolo zyuze zizi apa kuuvwa vino nemo nkuyanena.

Yelemiya 36:14

Alino yacilolo nayo yuvwana nu kutuma Yeudi umwana wakwe Netaniya, umwizikulu wakwe Syelemiya, icizikulula cakwe Kusyi, yamutuma kuli Baluki kuti aye akamunene alete kalata wino walakuwelengela antu. Nawe Baluki ali vino acita. Atoola kalata wilya, nga alungama na kuno yacilolo yali.

Yelemiya 42:21

Fwandi ali cino nimunena mu wanda wilelo. Lelo mwemo mwatimukana ukuvwa amazwi yakwe Yawe Leza winu. Mutazumile umulandu nanti onga uno ntumilwe ukwiza munena.

Ezekelo 11:25

nga nani inena azya ivintu vyonsi vino Yawe wandanzile.

Ezekelo 12:2

“We mwana wa muntu, wemo wikala pakasi ka antu yacisanguka. Yene yakwata amanso akulolelako, lelo yasilola. Yakwata amakutwi akuuvwilako, lelo yasiuvwa, pamulandu wakuti acisanguka.

Ezekelo 20:27

“Caleka fwandi we mwana wa muntu nena aina Izlaeli vino nemo nkulanda. Akuno uli mulandu nauze uno vikolwe vyao vyanzewanya ku vya utalami wao.

Ezekelo 33:7

“Fwandi wemo we mwana wa muntu, nemo nakucita kalinda wa mutundu onsi wa ina Izlaeli. Awewe nomba umayaceulanga kuli vino nemo namakunenanga.

Ezekelo 40:4

Alino umuntu wiyo anena ati, “We mwana wa muntu, lolekesya ningo nu kukutika ningo, uteke nu mwenzo kuli consi cino namakulanga pano ali cino yakuletile kuno apakuti nkulangilile. Nupya ali vino uli nu kumanyisya ang'anda yakwe Izlaeli vyonsi vino umalola.”

Amosi 3:13

Uvwiini nu kupeela umulandu ku amu mupanda wakwe Yakobo, kuli kulanda kwakwe Yawe, Leza Wamaka yonsi.

Kufuma 6:29

wamunenyile ati, “Nene indi Yawe. Kanene Falao umwene waku Eguputo vyonsi vino namakunena.”

Yelemiya 6:28

Yonsi pyu acisanguka atalame wakwe cimwi, nupya yakapitana sile nu kukwakwanya. Yakoma imyenzo wa mukuwa ni cela. Yonsi pyu yakacita iviipe.

Yelemiya 34:6

Alino lyene Yelemiya aya alanda vyonsi vivyo kuli Zedekiya, umwene waku Yuda umu Yelusalemu.

Yelemiya 44:20

Cino sile antu yonsi, aonsi na anaci yamala ukulanda vii, alino Yelemiya ayanena ati,

Ezekelo 3:4

Alino Leza anena ati, “We mwana wa muntu, pitanga lyene ukanene aina Izlaeli, ukayanene vyonsi vino nemo nkukunena.