Ezekelo 2:4 - Amazwi Yakwe Leza 2013

⁴ Antu yaa, yakoma imitwe nu kuumalala imyenzo, ali yano nkukutumako kuti ukayanene vino ne Yawe Simwandalali nalanda.

Ezekelo 2:4 Referans Kwoze

Ezekelo 3:7

Lelo aina Izlaeli yene awe, yasikuya yakakuvwe foo. Pano nani kwene yakana ukunguvwa. Yonsi pano yapela yaya atalame nupya aumalale.

Yelemiya 6:15

Uzye yene yatange yuvwe insonyi pa vicitwa vyao vyawinyi? Awe, yene yatuvwile insonyi nanti panono. Nupya yatamanyile ni vyakuloleka nsonyi nsonyi. Acino yalapona pamwi na aali nu kupona. Lino ndiza ku kuyavunuka, ilaya ili mpela yao. Ivyalanda ne Yawe.”

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Ezaya 48:4

Namanya ukuti mwakoma imitwe, nupya yakoma wa cela. Mwaya aumalale wa cela ca mukuwa.

Masamu 95:8

Mutakomya imyenzo ndi vino mwacisile kuku uku Meliba, ndi vino cali uwanda ulya uku Masa umu lwanga.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Mapinda 21:29

Umuntu mwipe akaloleka wa muntu umukamuke. Lelo umuntu musuma wene akaika amano uku mipitile yakwe.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

2 Milandu 30:8

Ali cino fwandi namwe mutakwata imyenzo ino yaso yakweti. Mwemo mule mucimbe sile kuli Yawe. Izini tulumbanye Yawe uku ncende yamuzilo ino yazilizya calimwi nu kuipolelela. Mutumikile Yawe Leza winu nawe alafuntusya ukali ni cipyu cakwe kuno muli.

1 Yamwene 22:14

Nga lelo Mikaya wene amwaasuka ati, “Nalapa umwi zina lyakwe Yawe wa umi, ukuti nemo namalanda vino Yawe umweneco amanena.”

Malango 31:27

Natimanya ukutalama na ucisanguka wao vino waya. Yene yasangukila Yawe lino nemo ncili nu umi. Nupya mulalusya ukumusangukila pacisila ca mfwa yane.

Malango 10:16

Ali cino fwandi ukufuma ndakai cingazipa mwayela Yawe nupya mute kumutalamila.

Yelemiya 1:7

Lelo Yawe anena ati, “Utalanda ukuti wewe mwance. Ulinzile ukuya ku muntu ali wensi wino nakutuma kweneko, nu kuyamunena ilamulo lyane.

Yelemiya 36:21

Umwene nawe atuma Yeudi ku kusenda kalata, nawe aya amuzana mu muputule wakwe kalemba Elisyama. Awelengela umwene na yacilolo yonsi ala iimilile umu mbali mbali.

Amosi 7:15

Yawe uwizile antola, andesya ni milimo ya kucema imfwele, nga anena ati, “Pita ukaseme ku antu yane aina Izlaeli.”

Zakaliya 7:12

Yumika imyenzo yao iya ndi wi we. Nupya yatakasi kuuvwa nanti ukusakamala kuli vino Yawe Wamaka yonsi akuyasunda, lilyo lyonsi lino wayatumilanga yakasema yakwe, pakuti yasema amazwi yakwe ukufuma na pampiti. Fwandi Yawe Wamaka yonsi nawe ali pakuyasokela.

Ezekelo 3:4

Alino Leza anena ati, “We mwana wa muntu, pitanga lyene ukanene aina Izlaeli, ukayanene vyonsi vino nemo nkukunena.

Ezekelo 3:11

Nupya ku ina Izlaeli auzo mu uzya uye ukayanene vino ne Yawe Simwandalali nkukunena, nanti yace yakuvwe nanti yatace yakuvwe.”

Ezekelo 3:27

Lino nemo ndalanda nawe nupya, ali lino ndasapula ululimi lwako, nga nawe ulayanena uti, ‘Yawe Simwandalali akuti, wiyo akauvwa kauvwe, na wino asilonda ukuvwa atuvwa, pano uluko lulo ulutalame.’ ”