Ezekelo 19:7 - Amazwi Yakwe Leza 2013

⁷ Wene walwisizye amasano ya antu yalya nu konona imisumba yao. Impanga pamwi na ikazi ya mwenemo, pasi pakuvwa intete apa kuvwa kung'anza kwakwe.

Ezekelo 19:7 Referans Kwoze

Ezekelo 30:12

Ndakamya uluzi lwa Nailo nu kukazya impanga ya Eguputo ku antu aipe. Ndaomvya ainamasi apa konona impanga ilya kumwi na vyonsi ivyaya mwenemo. Ne Yawe natindanda.”

Mika 1:2

Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Amosi 6:8

Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Ezekelo 22:25

Intunguluzi zyao zili kwati a yacisama akung'anza pa nsita ino yakutakanya inyama ino yalemile. Intunguluzi zikakoma antu nu kuyapoka impiya, ni vyuma vyao vyonsi, zikalenga ukuti yamangu aingi yasyale yamukamfwilwa.

Ezekelo 12:19

Unene aikala mpanga ilya uti, ‘Avino Yawe Simwandalali walanda pamulandu wa ikazi amu Yelusalemu pamwi na amu mpanga ya Izlaeli. Uyanene ndi vino yene yalalya icakulya cao ni sakamika ilikulu. Nupya yalakanka sile uku ntete pa nsita ino yakumwa amanzi. Umu mpanga inu mutalasyala kantu nanti kamwi, pamulandu wa umpulamasunde wakwe yayo yonsi aikala mwenemo.

Mapinda 28:3

Umuntu mwipe akacuzya umulanda, imvula ya ononyi nayo ikaonona ivyakulya.

Mapinda 19:12

Icipyu ca mwene cakolana ni cilulumo cakwe cisama. Lelo uluse lwakwe lukoline nu lumi ukwi sote.

Ezekelo 19:6

Walanga wafika pa cimo cakuya cisama wamaka, avino watandike ukupitana pamwi na yacisama yauze. Asuka asambilila kulunga, atandika nu kulema antu.

Ezekelo 19:8

Alino antu amitundu ya mpanga zya mumbali yakolongine ukwiza lwisya cisama wiyo. Yene yatevile isumbo nu kumulema ali muno yamulemile.

Ezekelo 45:8

Fwandi ali citungu cino intunguluzi ilaateeka ilakwatako nayo mu mpanga ya ina Izlaeli. Ali pakuti itakacuzya antu nupya ali pakuti ikaleke imitundu ya ina Izlaeli nayo ikaikwatile ivitungu mu mpanga.

2 Yamwene 23:33

Lyene uteko wakwe wasilile pano Falao Neko wamusenzile uzya uku Libula, umu mpanga ya Hamati. Nga asonkisya aikazi amu Yuda amakilogalamu yakwe siluva ukulingana 3,400, na yakwe zaabu 34.

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Ezekelo 34:4

Mutakomelezyanga imfwele zitonte, mutapelanga izilwale umulembo nanti kuzinyepela ivilonda. Mutawezyanga iziponge nanti kulonda izyapumbuka. Zyene zyatesilwe sile ku kalili.