Ezekelo 19:1 - Amazwi Yakwe Leza 2013

¹ Yawe anena ati, “Ale lyene saula ulwimbo lwakulosya intunguluzi ziili zya ina Izlaeli uti,

Ezekelo 19:1 Referans Kwoze

Ezekelo 27:2

“We mwana wa muntu, imba ulwimbo lwa ulanda ulukumile Tuli.

Ezekelo 26:17

Apa kulosya zilati, ‘Owe mwe vino ononeka nu kulowelela muli yemba, we musumba wa lulumbi! Antu yako yali ali yeneco yakwe yemba, nupya aofyanga na antu yonsi aku mulundu.

2 Yamwene 24:6

Lyene Yeoyakimu asuka afwa, nga yamuzika. Alino Yeoyakini umwana wakwe umonsi amupyana pa cilimba ca wene.

Ezekelo 19:14

Nga alino mu cimuti kwene ca mutingi mufumamo umoto, nao wiza oca misambo yakweo kumwi ni viseekwa vyakweo. Awe imisambo iyo yakweo italatala ikome nupya, nupya italatala iye intuwa zyakwe yakateeka.’ Fwandi lulo ali lwimbo lwa ulanda, ulukaimbwa lili lili apa ndosya.”

Ezekelo 2:10

Nawe amupombolola apa manso yane, nga ndola ukuti iyalemba mbali zyonsi ziili. Palemvilwe ukuti ukulosya, ukuteta, nu kulilizika.

2 Yamwene 24:12

Alino lyene umwene Yeoyakini pamwi na nyina, na ana yakwe, ni nkombe zyakwe zya kwisano kwene, iyiza yacimba ku ina Babiloni. Mu mwaka wakwe cinani uwa kuteeka kwa mwene waku Babiloni, umwene Nebukadineza asenda Yeoyakini umu uzya.

2 Yamwene 23:34

Alino Falao Neko asonta Eliakimu, umwana umonsi wa mwene Yosiya, kuti aye umwene uwamu Yuda. Nga asenula izina lyakwe ati a Yeoyakimu. Lelo Neko asenda Yeowazi uku Eguputo, akuno asuka afwila.

Ezekelo 32:18

“We mwana wa muntu, losya wakwe cimwi pamulandu wa antu avule amu Eguputo, nga yene pamwi na antu amu mpanga zyuze uyatwale pansi mu mpanga ya afwe.

Ezekelo 32:16

“Amazwi yane yaa yalaya ulwimbo lwa ndosya, nga akazyana ainamasi yalaimba, ukwimbilila Eguputo ni vita vyakwe. Ivyalanda ne Yawe Simwandalali.”

Ezekelo 27:32

Yalakulilila ulanda nu kukulosya, yalapomola impooma yati, ‘Uzye aweni alingine na Tuli, Tuli wilya uwali pakasi kakwe yemba?

Nyimbo zya ndosya 5:12

Yalema nu kunyonga intunguluzi zitu. Yata ukucindika aikolo itu.

Nyimbo zya ndosya 4:20

Yalemile intulo ya umi witu, wiyo wino Yawe wasolola, wino twataile mwenemo ukutucingilila ku muzanzi ali wensi.

Yelemiya 24:8

Yawe walanda wati, “Zedekiya umwene waku Yuda, yacilolo yakwe ni nsyazi zyamu Yelusalemu na antu yano yaya yikala mu Eguputo, nene ne Yawe ndayacita wa masamvu aipe cakuti kusi angayalya.

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.

Yelemiya 22:30

Yawe wavwanga wati, “Lembini umuntu wii muti imbulwa ana, umuntu wino atasyuka mu umi wakwe, pano kusi nanti wenga apa ana yakwe, wino alaya nu longo umu umi wakwe, wino alikala pa cilimba ca wene cakwe Davidi, nanti ukuteeka mu mpanga ya Yuda.”

Yelemiya 22:28

Nemo natiile, “Uzye umwene Yeoakini watasanguka wa nkolo itamike ino yatiyasumba, cakuti kusi nanti wenga angaitemwa nupya? Uzye pacani cino yatiyasendelwa mu uzya, aliwe na antu yakwe, umu mpanga ino yatamanyile nanti panono?

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

2 Milandu 36:10

Walanga umwaka wasenuka, nawe kwene umwene Nebukadineza amusenda uku Babiloni wa munyepwe. Alunda penepo nu kusenda ivyuma navyuze ivyamu Ng'anda ikulu yakwe Leza, avitwala ukwakwe. Ali pakutoola Zedekiya umwina awino apyanikizya apa cilimba ca wene waku Yuda na Yelusalemu.

2 Milandu 36:6

Umwene Nebukadineza uwaku Babiloni wizile ukwiza lwa inkondo nawe. Lyene amulema nu kumunyepa umu minyololo nga amusenda ku Babiloni.

2 Milandu 36:3

Pacisila cakwe vii, umwene waku Eguputo amufumya mu Yelusalemu, nga amusenda wa munyepwe. Lyene aika nu musonko uwakuti impanga yakwe Yuda yalipila icuma cakwe Siluva icinganyoma amakilogalamu 3, 400 na zaabu amakilogalamu 34.

2 Milandu 35:25

Kasema Yelemiya wasisile ulwimbo lwa ndosya ulwakulosezya Yosiya. Lulo luno yakiimba ya nyimbo aonsi na anaci yakaimba ukufika uwanda wilelo umu mpoma zyao umu kulosya Yosiya. Uo uli mwata wa ina Izlaeli, nu lwimbo lulo lukazanwa umu lupapulo lwa ndosya.

Ezekelo 19:2

‘Nyoko wali a cisama wakaci pakasi kakwe yacisama, walambalalanga pamwi nu ufyo wakwe yacisama, wakuzizyanga utwana twakwe umu ufyo wa twana twakwe yacisama.

Ezekelo 28:12

“We mwana wa muntu, saula ulwimbo lwakulosya umwene waku Tuli. Munene ukuti ne Yawe nkunena umwene waku Tuli inti, ‘Wemo wali icilangililo cimalilike, amano yako yazile tupu nu kuyemba kufumaluke.

Ezekelo 32:2

“We mwana wa muntu, imbila Falao, umwene waku Eguputo, ulwimbo lwa ndosya. Umunene ilandwe lii uti, Wemo ukoline na cisama apakasi ka nko. Ukoline na mung'amba muli yemba wino akuitamola apa manzi

Amosi 5:1

Mwe luko lwakwe Izlaeli uvwini amazwi yaa, yano namamunena umukuilizyanya kunomuli.