Ezekelo 18:12 - Amazwi Yakwe Leza 2013

¹² akacuzya mupina nu mulanda, akapokolola vya eneco ku maka, asiwezya vino wazima, akatumpwila amanso ku tuluwi, akacita vyawinyi,

Ezekelo 18:12 Referans Kwoze

Ezekelo 8:17

Yawe anena ati, “We mwana wa muntu, uzye walola vimisango vii? Ala antu yaa Ayuda, yatalata ukucita ivintu vii vyonsi vyawinyi vino walola muno. Ayano yalenga nu kuti kuye impanzela mu mpanga ino yonsi. Alenzile nu kuti icipyu cane cicile penepo. Watuilolela we mwisikulu vino yakunsaalula mu misango yonsi ino yakunsaalwilamo.

Ezekelo 8:6

Nga anena ati, “We mwana wa muntu, uzye walola vino yakucita? Uzye walola ivya winyi vyonsi vino ang'anda yakwe Izlaeli yakacita kuno, apa kunzinga umu cifulo cane icicindame? Lyene, umalolako ni vyawinyi vino vilusilepo.”

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

2 Yamwene 21:11

“Manase umwene waku Yuda watacita ivintu vii iviipe ivilusile vino aina Amoli yacita, yayo amukolelile. Nupya aliwe kwene uwalenga kuti aikazi amu Yuda yaifya apa kupepa utuluwi twakwe.

Zakaliya 7:10

Mutacuzya yamukamfwilwa na ana asyale, na aenyi ainamasi aikala kuno muli. Mutacuzya na apina kwene. Nupya mutapanga mu mwenzo inu ukucuzyanya.’

Ezekelo 18:16

asicuzya umuntu nanti wenga, asipoka kamukole, asipokolola vya eneco ku maka, akapeela ali ni nzala icakulya, akazwika yayo ali tupu,

Yakobo 2:6

Lelo mwemo mukasaalula apina! Uzye asi akama akamucuzya nu kumutintanya yamutwala ku vilye vya milandu?

Oseya 12:7

Yawe akuti, “Aina Izlaeli yakoline na aculuzi aucenjezi yano yakaomvya inteko zya ucenjezi. Yene yatemwa ukuliila antu mu umfisolo.

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

2 Yamwene 23:13

Yosiya aomola incende zyaku pepela mwenemo utuluwi utwayelile lwaku ufumondaka wa musumba wa Yelusalemu lwaku kaeya ka mwamba ukaamwa ukuti Mwamba wa Miolivi, muno yapepelanga utuluwi twawinyi utuli wakwe Asyitaloti, kaleza kanaci aka ku Sidoni, Kemosyi, kaleza kaku Moabu, na Moleki, kaleza ka ina Amoni.

Aina Levi 18:22

Umonsi atakezye kuulungana nu monsi muze. Pano Leza wapata camusango uwo.

Ezaya 3:14

Yawe waama ivilolo vyakwe uku cilye pamwi ni ntunguluzi zya antu yakwe, nga avwanga ati, “Amwemwe kwene mukaonona icalo ca matingi, nu kufisa ivyuma vya alanda vino mwasampa.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Ezekelo 7:23

“Pangini umunyololo lemanini, pano impanga yatizula ukuzwisya uwazi, mu misumba namo muli impanzela zitupu.

Ezekelo 16:49

Sodoma na ana yakwe yayuvwanga pamulandu wakuti yene yakwatisye ivyakulya, nu kwikala ningo, nanti angala yatasakamalanga ukusunga alanda na apuzi.

Ezekelo 33:25

“Caleka uyanene uti, ‘Yawe Simwandalali wavwanga wati, Mwemo mukalya inyama ino icili nu wazimo. Mukapepa utuluwi twinu, nupya mwemwe yacikoma. Uzye fwandi icingalenga ukuti impanga ii iye iyakwinu, icani?