Ezekelo 17:3 - Amazwi Yakwe Leza 2013

³ uleke yamanye vino ne Yawe nkuyanena inti, lyang'anda mukalamba, uwa maapa akulu na mavumbu atali. Wene wakweti na mavumbu asuma nupya amaala maala. Lyang'anda'anda wiyo waile ku mwamba wa Lebanoni, aya atimpula insongo pa ntonje ya kamuti kamwi akatalimpisye.

Ezekelo 17:3 Referans Kwoze

Oseya 8:1

Yawe akuti, “Lizini intandala! Anisi yatiyuwa apa mpanga yane wakwe lyang'anda apapela pa nyama. Antu yane yavuna upangano wane, nu kusangukila amalamulo yane.

Yelemiya 48:40

Yawe wavwanga wati, “Silolini! Lyang'anda akuvwelukila pansi, wataanza na maapa yakwe pali Moabu.

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.

Ezekelo 17:7

“Lelo kwaliko lyang'anda namuze, nawe mukulu uwa maapa akulu na mavumbu nyanya. Umutingi nao wafumya imisisi yakweo mu musili, muno walemilwe nu kuilozya kuli lyang'anda, ni misambo kwene apakuti avikontelele.

Mateo 24:28

“Konsi kuno icala cili, akuno na makozi yakakongana.”

Danieli 7:4

Cakwe conga calolike wakwe cisama, lelo cakweti amaapa wakwe cipungu. Lino ncili lolekesya, amaapa yakweco yanyunsulwa. Alino cinyama cici yacikatusya apakuti cimilile wa muntu, nga yacipela nu mwenzo wa muntu.

Danieli 2:38

Wene wika antu ni vinyama vya mpanga ni vyunyi vya mulwelele mu makasa yako. Konsi kuno vikaikala wewe uli kateeka wakwevyo vyonsi. Wewe uli mutwe ulya wakwe zaabu.

Nyimbo zya ndosya 4:19

Yayo atuzinganyanga yali nu lwilo ukuluta yacipungu atiyavuka umu lwelele. Yatuzinganyanga umu myamba nu kututeyamila umu lwanga.

Yelemiya 49:16

Icoopo cako ni cilumba camu mwenzo wako vyakusomba sile, wemuno ukaikala mu macele akuulwa apapela ya myamba itali. Lelo nanti ungaluka icinsanzo cako apapelapela wakwe lyang'anda'anda, ndakuponyezya pansi.” Ivyalanda ne Yawe.

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.

Yelemiya 4:13

Lolini! Umwanisi akwiza wa makumbi. Amaceleta yakwe ankondo yakwiza wakwe nkungulupya. Imfwalasi zyakwe zilusile yacipungu uku lwilo. Kalanda kunotuli! Twatitononwa!

Malango 28:49

Yawe alamuletela antu amu luko luze ulwa ku mpela ya nsi ukwiza muzanza, uluko luno icilimi cao mutacimanya. Yene yaliza yamuvwelule ungati a cipungu.

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Ezekelo 17:4

Lyene lyang'anda wiyo atwala ni nsongo zizyo ku mpanga imwi ya aculuzi, nu kuya iika mu musumba umwi wa aculuzi.

Ezekelo 31:3

Endi, namamukolanya nu mukelide waku Lebanoni, uno ukweti misambo iyembe, iyacisao. Wene utali wakwe cimwi cakuti intonje yakweo ifisile nu mu makumbi.

Habakuku 1:8

“Imfwalasi zyao zyalwilo ukuluta inangu, nupya yakalipisya ukuluta imimbulu ili ni nzala. Akwezilepo a yanyela ku malunga nanti kungatalimpa uli. Yene yakapapukila kwati inkwazi ino ikasi kulema cakuti ingalya.