Ezekelo 16:5 - Amazwi Yakwe Leza 2013

⁵ Kutali nanti wenga uwakuweni luseluse nanti ukukuvwila amizu ya kukucitila icili consi apa vintu vivyo. Ala uwanda uno wavilwe, yakusankilizye sile umu mpanga. Fwandi vivyo, ali vino antu yakupasile.

Ezekelo 16:5 Referans Kwoze

Malango 32:10

“Wene wayazanyile yakululumba mu lwanga, mu mapoli, mu lwanga uluwatuke nupya mu cimuza ca lukungu. Atandika ukuyacingilila nu kuyasunga ningo, wakwe vino angasunga nyinalinso uwi linso lyakwe.

Nyimbo zya ndosya 4:3

Na yankusa kwene yakaonsya ana yao, lelo antu yane yakoline ni mbuni mu lwanga, azauke ku ana yao.

Mpendwa 19:16

Wino wensi ali mu mpanga ndi cakuti wakumya ku muntu wino yatiyakoma nanti ku muntu uwataifwila imfwa Leza, nanti sile wakumya ukwi fupa lya muntu mufwe nanti ukwi lindi, ale wene wakowela, nu kusyala mukowele pa manda cinimbali.

Kufuma 1:22

Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Utandiko 21:10

Lyene Sala avwanga kuli Abulaamu ati, “Zinga muzya wiyo nu mwana wakwe yapita. Mwana wa muzya atalinzile akwateko cipande nanti cimwi ca vyuma vyako vino umwana wane umonsi Isaki alapyana.”

Ezaya 49:15

Acino Yawe nawe wayaasuka ati, “Uzye kwene nyina angilila umwanakwe wino akoonka? Uzye wene angata ukutemwa umwanakwe wino waivyalila? Lelo kwene nanti angilila, nemo ntalatala imwilile.

Ezekelo 2:6

“Nawe we mwana wa muntu, utoopa nga yakunena yati, ‘Imyunga yatikuzinguluka, utenzi na pa makalela.’ Utoopa amazwi yaa, utaya ni ntete ndi yakutunwila amanso, pano uluko lulo lwatalama.

Nyimbo zya ndosya 4:10

Anaci nanti angala yakweti uluse uli, yasusile yeleka ana yao nu kuyalya pamulandu nu uzanzo uwaponile antu yane.

Nyimbo zya ndosya 2:19

Mu nsita ya usiku mwakatuka lili lili nu kulilila uku Mwene. Mwamulilila wakwe cimwi, mwalengela na ana inu uluse, Ana yalya yano yakufwa insansalila umu visyoko vya miseo pamulandu ni nzala!

Nyimbo zya ndosya 2:11

Amanso yane yatiyatontekana pamulandu nu kulila. Umwenzo wane pasi pakunyongoloka. Amaka yatiyasila pamulandu wakwelenganya vino antu yane yononwa. Ana anono kumwi nu tunya yakufwa ulwezwe mu misolo ya musumba pamulandu nu lusala.

Yelemiya 22:19

Wene alazikwa wakwe punda, nupya yalamukwetulula yamusende nu kumusumbila ukunzi ya mpongolo zyakwe Yelusalemu.”

Ezekelo 16:6

“Lelo nemo, napitile lwakuno yakusumbile. Nga nuvwa kuno ukupantoka, ukuivumvunya umu wazi wako. Nga nalino ucili uizi mumu kwene, niza nakuvwanzya nati, ‘Samalale, ungala uye nu umi ukakule uye wi sote lya mu mpanga.’