Ezekelo 16:11 - Amazwi Yakwe Leza 2013

¹¹ Nakuyemvizye ni viyembelo. Ku makasa, nakuzwisile amakoza nu tuwangili alino umu nsingo namo nakuzwika ivikasi ni nsambo izyamutengo.

Ezekelo 16:11 Referans Kwoze

Utandiko 24:22

Lino Labeka wamala kumwesya ngamila, muomvi wakwe Abulaamu atoola cipini cakwe Zaabu camutengo ukome amuzwika pa mpuno, nu tuwangili twakwe zaabu twiili amuzwika ku makasa.

Ezaya 3:19

Alayapokolola amaukasi, ivitambala,

Utandiko 41:42

Falao azula imbalaminwe yakwe ya cimanyililo ca usambazi, azwika Yosefu ku munwe, amuzwika nu mwingila usuma nga atoola munyololo wakwe zaabu amukoweka mu nsingo.

Utandiko 24:47

“Lyene imuuzya inti, ‘Nga so aweni?’ “Nawe wali waasuka wati, ‘Tata a Betuele, umwana umonsi wakwe Nawoli muli Milika.’ “Alino imuzwika cipini pa mpuno nu tuwangili twiili ku makasa.

Mapinda 1:9

Pano amasunde yao yalakuyemvya nu kusenula imiyele yako iye isuma, uce ucindame ungati icisote cawene nanti ciukasi cakuzwala umu nsingo.

Ezekelo 23:42

Alino pizile puvwika ni congo ca luzango ci umba lya antu aina Sebeya yano yacinanga. Pasi pano mu lwanga mwafumile iumba lya onsi yano yazwikanga anaci amakoza ni vingala vikankala ku mitwe.

Mpendwa 31:50

Ali cino cila muntu muno tuyelile twaleta utuntu tumwi tuno twalombwile utwapangwa kuli zaabu. Twati katuvipeele kuli Yawe kuti yatucitile ulutambi lwa kufuta amaifyo. Ni vintu vivyo vili wakwe tunekelesi, utuwangili, amakoza aku makasa, imbalaminwe, amaelena ni viyembelo vyuze.”

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Danieli 5:29

Lilyo kwene Belisyazali apeela ilamulo ku yaomvi yakwe kuti yazwike Danieli umwingila wa yene uyenzulukile nga na kamunyololo kakwe zaabu umu nsingo aka kumucindamikila kweneko. Nga amucita ukuya kateeka wakwe citatu umu wene wakwe.

Danieli 5:16

Lyene nemo nuvwa ukuti wemo ungaumbula ivyafiswa nu kulondolola inkama. Acino ndu ngawelenga ivilembo vii nu kunena muno viile, ale lyene umazwikwa imingila iyenzulukile yaku wene, na kamunyololo kakwe zaabu umu nsingo aka kukucindamikilako, nga ulaya kateeka wakwe citatu mu wene wane.”

Danieli 5:7

Lyene umwene apunda kuti umwi amwamile amamanyamano, na yao akasambilila vikumile intanda, na yao akauzya ku mipasi. Nayo lino yiza, umwene ayanena ati, “Ali wensi wino angawelenga ivilembo vii nu kundondolwela muno viile alazwikwa umwingila usuma wa ene, na kamunyololo kakwe zaabu umu nsingo, nga alalasikwa apa cifulo cakwe kateeka wakwe citatu umu wene wane.”

Ezekelo 23:40

Nacuze penepo, antu amu mpanga zya kutali, yano yamiile pakuyatumila inkombe, walanga yafika sile wafulile upakala amafuta pa manso nu kuzwala iviyembelo vyako.

Nyimbo zya ndosya 5:16

Kutacili nanti cimwi cino tungakwatilapo icilumba. Kalanda kunotuli, pano twifya!

Ezaya 28:5

Mu wanda ulya Yawe Wamaka yonsi ali wino ali nu kwiza ungati ali ni cingala ca maluwa, nupya uwa lulumbi, uwakuti antu yakwe yano yakupusuka yakwatilepo akameko.

Ezaya 3:21

imbalaminwe, ivipini vyaku mpuno zyao,

Lwimbo lwakwe Solomoni 4:9

We kaci wane, we nawinga wane, wankopola umwenzo, wangoca umwenzo ku milolele ya manso yako, nu ukasi mu nsingo yako.

Lwimbo lwakwe Solomoni 1:10

Amatama yako yayemba pano pakanyinyindila ivinkwingili vyaku matwi, insingo yako nayo itongomale ino ukazwalamo ukasi uyengese nupya uwamutengo ukome.

Mapinda 25:12

Umuntu wamano ndi wanenola umuntu, uiteyanye ukuvwa, pano amasizo yakwe yaluta amaelena yakwe zaabu, nanti iciyembelo cakwe zaabu musuma sana.

Mapinda 4:9

Yamakuzwika ingala iyembe uku mutwe wako, nu kukupeela inkata ya ucindami.”

Yobo 42:11

Aina yakwe aonsi na yakaci yakwe yonsi, kumwi na yacuza yakwe ampiti, yiiza uku kumulola, nu kwiza ipakizya pamwi nawe umu ng'anda umwakwe. Ala yakumuvwila ulanda nu kumutekezya umwenzo apa macuzi yonsi yano Yawe wamuletile. Yonsi kwene, cila muntu, asya wamupeela impiya nga ni mbalaminwe yakwe zaabu.

Esita 2:17

Walanga umwene walola sile Esita, pasi pakumutemwa! Amutemwa ukuluta akazyana yonsi yano waweni. Ali pakumuzwika ni ingala yakwe unamwene. Amusonta ukuya namwene uwakupyanikizya pali Vasyiti.

Yakapingula 8:24

Nupya Gidyoni atwalilila kuyanena ati, “Nkamulenge sile icintu conga. Cila muntu ampeeleko akalielena api sala linu pali vino mwasamfile.” (Amu mupanda wakwe Isumeli yazwalanga amaelena wa antu yauze amu lwanga.)

Aina Levi 8:9

Lyene amuzwika tulibani ku mutwe. Aika impalata yakwe zaabu ku nkolelo yakwe tulibani, cimanyililo camuzilo wakwe vino Yawe wapeezile ilamulo kuli Mose.

Kufuma 35:22

Alino yonsi akasi yiiza, aonsi na anaci kwene. Cila muntu kulingana nu kulonda kwakwe aleta vyakuyemvya vyakuzwala, amaelena, vilemelo, ukasi wakuzwala mu nsingo, ni viyembelo vyuze vyakwe zaabu. Cila muntu aleta vyakwe zaabu vino wapaatwile wa wila wakuswelwila Yawe.

Kufuma 32:2

Lyene Aaloni anena antu ati, “Zulini amaelena yakwe zaabu ku matwi ya aci inu, ku matwi ya ana inu aonsi, nu ku yana yinu anaci yonsi, alino mwize navyo kunondi.”

Utandiko 35:4

Caleka yatoola tuleza twa inamasi tonsi tuno yakweti pamwi na mantenga yano yazwite ku matwi nga yapeela Yakobo. Alino Yakobo aya azika mwisika ya cimuti cino yakati muoko pipi nu ku Syekemu.

Utandiko 24:53

Lyene afumya zaabu ni viyembelo vyakwe siluva ni vizwalo apeela Labeka. Apela na mawila amutengo kuli kalume wakwe na kuli nyina.

Ezekelo 16:17

Watolanga iviyembelo vino nakupile ivyakwe zaabu na siluva, apa kupangilamo ivinkolanya vya yantu, ivya kuomvya muli ucizelele wako.