Ezekelo 13:9 - Amazwi Yakwe Leza 2013

⁹ Nkutumpula ikasa lyane nu kukatusya nu kulwisya yakasema ya vya uwelewele. Yatalazumiliziwa ukwiza umwitengo lya yantu yane, yatalalembwa nu mu lupapulo lwakwe ya mwana Izlaeli. Alino mulamanya ukuti nene indi Yawe Simwandalali.

Ezekelo 13:9 Referans Kwoze

Ezekelo 20:38

Pali mwemwe kwene ndafumyapo yacisanguka antalamila. Kwene ndayafumya mu mpanga muno yacili yakwikala, lelo ntalayata ukuti yakawelele mu mpanga ya ina Izlaeli foo. Lyene alino mulasininkizya ukuti nene indi Yawe.

Masamu 87:6

Yawe aliwe alatantika amazina ya antu yaa, nu kuyalemba yonsi pamwi na akaya amu Yelusalemu!

Masamu 69:28

Uleke na mazina yao yafutwe umu lupapulo lwa umi, yatakezye ukuzanwa mumu umwalembwa amazina ya antu yako.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Ezila 2:59

Iumba ilimalondelela apisika paa, ilyakwe yao afumile umu misumba ili wakwe Tele Mela, Tele Halisya, Kelubi, Adoni na Imeli. Lelo yaposiwe ukulanga ukuti inko zyao zyafumile ku amu mupanda wakwe Izlaeli.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Luka 10:20

Lelo mutazanga pano mipasi yankota ikumuyela. Muzange pano mazina inu yalembwa mu lupapulo lwa kwiyulu.”

Oseya 9:3

Mutalikala mu mpanga yakwe Yawe. Mwe aluko lwakwe Efulemu, mulaswilila ku Eguputo, mu mpanga ya Asilya amuno mulalya cakulya icaindwa.

Ezekelo 12:20

Imisumba muno mwikala antu tupu, ilawa ni mpanga ilasanguka amatololo. Alino mulamanya ndi vino nene indi Yawe Leza.’ ”

Ezekelo 11:10

Mulalukuta muno mpanga yakwe Izlaeli uku lupanga. Ndalinganya apakuti mukamanye ndivino icumi nene indi Yawe.

Yelemiya 23:20

Icipyu ca Mwene citalatala cizuke, suka sile ace atale afikilizye vino wapanzile ukucita umu mwenzo wakwe. Cico mulacuvwa ningo umu manda yano yaliza uku nkolelo.”

Yelemiya 17:13

Mwene, wewe uli upalilo wa ina Izlaeli. Yonsi yano yakutazyela yalazewana, na yano yakusangukila yalatenulwa muno nsi, pamulandu wakuti yatayela Yawe intulo ya manzi ya umi.

Ezaya 4:3

Yao yonsi alasyala umu Zioni, aalapusuka umu Yelusalemu, yalaamwa ukuya asuma umu cumi, yonsi yano yalembwa umu antu aumi amu Yelusalemu.

Masamu 101:7

Umuntu akacita ucenjezi asi wakwikala ukwane foo, nu waufi nawe ntalamulonda pano.

Masamu 69:5

We Leza, ala uwelewele wane, waumanya wewe, nu uyi wane nawo kwene waumanya!

Neemiya 7:64

Antu yao yalondelizye amazina yao umu mpapulo zyonsi. Lelo kutali ukuzanapo nanti cimwi icakulondolola kuno yafuma. Icalenzile kuti yayafumizye pali usimapepo apamulandu wakuti yazanwa ukuya amifitalila, yasi yasangululwe.

Neemiya 7:62

Amu mupanda wakwe Delaya, Tobiya na Nekoda yonsi pamwi yali 642.

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Yelemiya 4:9

Yawe wavwanga wati, “Mu wanda ulya yamwene ni ntunguluzi yonsi kwene yalaputuka imisana. Yasimapepo cilayapezya amano, na yakasema yalazunguka.”

Ezekelo 13:14

Ndawisya ilinga lino mwakupawilile nu mula, ndalisumba pansi nu kusya imifula pambiliwili. Lilawa, namwe kwene lice limwilikizye, nu kumulovya. Alino mulamanya ukuti nene indi Yawe.’

Ezekelo 13:23

Lelo ukuya kwene, mutalatala nupya mulole ivilolwa vya uwelewele nanti ukusowela ivyaku nkolelo. Pasi pano ndakulula antu yane ku makasa yinu. Alino mulasininkizya ukuti nene indi Yawe.”

Masamu 95:11

Nasosile insuka indaya ukali ukali inti, “Mutalatala mwingile umu mpanga ilya, mumo muno nange mupeele upuzo.”

Yelemiya 14:15

“Nemo nkukunena we Yelemiya vino nemo nasya ncite ku antu yayo yakasema yano nemo ntatala natuma, yayo akalanda vino nemo ntayanenyile. Yene yakalanda ukuti kutalapona inkondo nanti icipowe umu mpanga ii. Ala nemo ndayakoma uku lupanga nu ku cipowe.

Oseya 4:5

Mwemo mukaluvyanya umusanya nu usiku, nga na yakasema nayo kwene yakacita cili cimwi kwene, caleka ndonona nyoko Izlaeli.

Mika 3:5

Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”

Mika 3:6

Caleka Yawe akuti, “Mwe yakasema, muliililwa na kanda kanyepe, mutalalola vilolwa nupya. Pamulandu wakuti mukapumbola antu yane, mwemo mutalakwata vilolwa navyuze, nupya mutalasapoola icintu cili consi.