Ezekelo 13:13 - Amazwi Yakwe Leza 2013

¹³ “ ‘Icaleka Yawe Simwandalali wavwanga wati, Ndasapula icipunga ca muza uku cipyu cane, ndatonyezya ni mvula ya mawe mu cipyu cane ica ononyi.

Ezekelo 13:13 Referans Kwoze

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

Umbwilo 16:21

Vitalawe vikulu cuze, ivinyome kulingana na makilo makumi yasano, navyo vifuma mwiyulu nu kuponela pa antu. Antu yaa yavwanzile mazwi ya miponto kuli Leza pamulandu wakuti cilumbelo cii cali cakofya cuze.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Masamu 148:8

mwe nkuwa ni mvula yamawe, mwe cuma na mwe kungwi, na mwe cipunga mwe muno mukayela ilamulo lyakwe.

Umbwilo 8:7

Mungeli wakwe conga alizya ntandala yakwe. Alino kwiza imvula ya citalawe nu moto uminkana nu wazi, ipongoloka pano pansi. Lyene ciputulwa conga mu viputulwa vitatu vya nsi cipya, ni ciputulwa conga mu viputulwa vitatu vya miti, nga na mafwa ni sote lisi vyonsi vipya.

Hagai 2:17

Anene kwene nononyile imbezu zinu zyonsi ku tuzizi, uku munyezi alino nuku mvula ya mawe. Lelo pali vyonsi vi musikutala mwelenganya ukuti mungazenzuka. Kuli kuvwanga kwakwe Yawe.

Yona 1:4

Lyene Yawe akatusya umuza ukome sana pali Yemba, nga ikuya icipupu icakuti icombo cali pipi nu kononeka.

Yelemiya 23:19

Icipunga ca ukali wakwe Yawe caticikatuka, na nkungulupya kwene watakatuka wiyo wino alaponela pa mitwe ya antu aipe.

Masamu 107:25

Nga wapeela ilamulo, umuza iukatuka, iukatusya na maimbi pali yemba.

Masamu 105:32

Ali pakutonyezya imvula ya citalawe, kuya kupangalakansya monsi umu mpanga yao.

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Yobo 38:22

“Uzye wemo watala wafika kweneko kuno nakoozezyanga kungwi, nanti kuno nakoozezyanga amawe ya mvula?

Ezekelo 1:4

Awe indolekesya nga ndola icipupu ukufuma ku katutu, caleta ikumbi likalamba ilizingulwikwe nu luswepo, nu moto umwafumanga kumyantula kwa mvula.

Ezekelo 13:12

Lino ilinga lilawa, uzye antu yataluzya yati, ‘Nga cipau mutiswe wino yakupawilile alikwi?’

Yobo 38:23

Ivintu vivyo ne Leza nkavisunga apakuti vyaomba pa nsita ya ucuzi, pa nsita ya vyongo na pa nsita yankondo.

Nyimbo zya ndosya 2:1

Iye mwe vino Yawe ku cipyu cakwe wataponyezya Zioni umu mfinzi. Ucindami wa kwiyulu uno Izlaeli wakwata, Umwene wataonona. Uwanda uno wasosile atasakamile nu kucilyatilo ca ngazo zyakwe.

Nyimbo zya ndosya 2:3

Uku cipyu cakwe watamala amaka yakwe Izlaeli, ukukana nu kutwazwa lino anisi yatuzanza. Umu kusoka kwakwe, lino asokile swe ana yakwe Yakobo, akulunkuma sile wa moto nu konona akantu akali konsi.

Nyimbo zya ndosya 2:4

Akukana ulapwa nu kutusonta ni nceto ungati sweswe anisi yakwe. Watakomola vyonsi vino ilinso lingatemwa ukulola. Watapongolwela icipyu cakwe wa moto, umu mang'anda yakwe swe ina Zioni.