Ezekelo 11:7 - Amazwi Yakwe Leza 2013

⁷ Icaleka Yawe Simwandalali wavwanga wati, “Ivyala vino mwasumba umukasi ka musumba ali nyama, umusumba nao ali ntendo, lelo mwemo ndamuzinga mwenemo.

Ezekelo 11:7 Referans Kwoze

2 Yamwene 4:38

Elisya aswilila ku Giligali, nga pa nsita ilya kwali cipowe mu mpanga ilya. Wanda umwi lino Elisya wasambilizyanga iumba limwi lyakwe yakasema, anena umuomvi wakwe ati, “Teka intendo ikulu sana pa moto, kuti welekele yakasema vyakulya.”

Yelemiya 1:13

Nupya kwene Yawe avwanga kunondi ati, “Walola cani nupya?” Nani imwasuka inti, “Nalola intendo ikutopota, navino vili mwenemo viyendekile lwaku kayeya.”

Ezekelo 11:3

Yakavwanga iyati, “Uzye insita ya kukula amang'anda, isi umupipi? Umusumba ukupya wa ntendo apa moto, nga naswe tuli wa nyama.

Ezekelo 11:9

Indamuzinga umu musumba nu kumuluula mu makasa ya inamasi, ndafikilizya vino namupingwila.

Ezekelo 11:11

Kuno muli umusumba uu, utalaya intendo foo, namwe mutalaya inyama ino yeleka mwenemo. Pasi pano ndamucitila umulungikila muno kwene, mu mpanga yakwe Izlaeli.