Ezekelo 11:5 - Amazwi Yakwe Leza 2013

⁵ Nga nupya Mupasi wakwe Yawe anjikila, anena ati, “Yawe wa vwanga ndi vino, avino mukalanda, mwe ya ng'anda yakwe Izlaeli, lelo manyile vino mukalanda navino mukupanga ukucita.

Ezekelo 11:5 Referans Kwoze

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Ezekelo 2:2

Lino akulanda nani, Mupasi wiza wingila munondi nu kunjimika apa ngazo zyane, nga alino nuvwa akulanda kunondi,

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Ezekelo 29:3

Vwanga kunoli uti, Yawe Simwandalali walanda wati, lyene namakufutukila we Falao, umwene waku Eguputo, mung'amba mukulu we, wemuno ukalambalala mukasi kakwe Nailo nu kuitanka uti, ‘Nailo ali cuma cane, nene namupanga.’

Ezekelo 28:2

“We mwana wa muntu, nena intunguluzi yakwe Tuli uti, Yawe Simwandalali walanda akuti wemo mu cilumba camu mwenzo wako walanda wati wewe uli Leza. Nikala wa mwene pa cilimba cakwe yaleza umwi ziya muli yemba. Lelo wewe muntu, usi leza awe, nanti angala ukwelenganya ukuti wewe wamano wakwe leza.

Ezekelo 8:1

Umu mwaka walenga mutanda, uwanda walenga yasano uwa mwezi walenga mutanda, natenzi ukwane na akalamba ya Ciyuda ala yatenzi pankolelo yakwe nene. Papo kwene indola amaka yakwe Yawe Simwandalali yanjikila.

Ezekelo 3:27

Lino nemo ndalanda nawe nupya, ali lino ndasapula ululimi lwako, nga nawe ulayanena uti, ‘Yawe Simwandalali akuti, wiyo akauvwa kauvwe, na wino asilonda ukuvwa atuvwa, pano uluko lulo ulutalame.’ ”

Ezekelo 3:24

Lelo Mupasi wakwe Leza aiza munondi, ankatusya nu kunkatusya. Yawe ali pakunena ati, “Pitanga uku muzi, uye ukaiyalile umwako.

Ezekelo 3:11

Nupya ku ina Izlaeli auzo mu uzya uye ukayanene vino ne Yawe Simwandalali nkukunena, nanti yace yakuvwe nanti yatace yakuvwe.”

Ezekelo 2:7

Yuvwe nanti yatuvwa wemo uce ukayanene amazwi yane pano uluko lulo ulutalame.

Yelemiya 16:17

Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Ezaya 28:15

Mwemo mukuyuvwa ukuti mukauvwana ni mfwa, mukuti mwapangana ni mpanga ya afwe. Mwemo mwasininkizya ukuti lino icinkunka ciliza, mwemo citalamukuma foo. Pano mwikalilila sile ufi nu ucenjenzi apakuti ali vino vyamupokololako.

Masamu 50:21

Ee, avino mukacita. Uzye mukulonda ukuti nani nsule sile? Uzye mukuti nani naya wakwe mwemwe? Ee, mwalola! Ilelo namunenelapo, namutotwela tonsi pyu.

Masamu 7:9

Mala ivicitwa vya ukakasi vya antu aipe. Lelo antu akacita ivisuma uyalambule. Pano wewe Leza wino akapima amelenganyo ni myenzo kwene. Antu ukayaputwila imilandu ukulingana navino yakalonda, nga na vino yakaelenganya.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

1 Samueli 10:10

Lino yafika ku Gibeya, akamulongo kakwe yakasema ikamukomenkanya. Alino Mupasi wakwe Yawe wikila panoli na maka, nga nawe atandika ukusema pamwi nayo.

1 Samueli 10:6

Umupasi wakwe Yawe umaya ukikile panuli na maka, nga nawe wayatandika ukusema pamwi nayo. Wayasanguka sile umuntu umwi muzemuze.

Yakobo 3:6

Acino lulimi lukoline wa moto. Lwene amaka yaipe yano yakakowezya mwili nga nu koca umi onsi uwa muntu ku vimbilimbili vino vikafuma kuzimo.

Milimo 11:15

Lyene lino natandike kuvwanga, Mupasi Wamuzilo wikila pano yali wakwe vino wikile na pali sweswe kwene kufuma pa kutandika.

Milimo 10:44

Lino Petulo acili akuvwanga, Mupasi Wamuzilo aikila pali yano onsi auvwanga kwi landwe lyakwe.

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Mako 2:8

Lilyo kwene Yesu amanya vino yakwelenganya mu myenzo yao, alino ayauzya ati, “Uzye pacani mukwelenganya vii mu myenzo inu?

Yelemiya 11:20

Alino lyene nani impepa kuli Yawe inti, “Iye we Yawe Wamaka yonsi, wewe Mwene wino akalungika pa kuputula imilandu. Wemo ukaceceta vino antu yakwelenganya na vino yakuuvwa mu myenzo yao. Leka nemo indoleko kuno ukulandula pa antu yaa, pano nemo umulandu uu natuula kunuli.”

Ezekelo 20:32

Mwemo mwapanga mpiti mu myenzo inu ukuya wa antu ya mitundu yuze, mwemo mwapanga ukuya wa antu yauze aikala mu mpanga zyuze, akapepa vimuti, amawe, lelo kuno muli citalatala ciye vivyo foo.”