Ezekelo 11:10 - Amazwi Yakwe Leza 2013

¹⁰ Mulalukuta muno mpanga yakwe Izlaeli uku lupanga. Ndalinganya apakuti mukamanye ndivino icumi nene indi Yawe.

Ezekelo 11:10 Referans Kwoze

2 Yamwene 14:25

Yeloboamu umwana wakwe Yeowazi nawe wapokolwile impanga yonsi iyo iyali iya ina Izlaeli mpiti, ukutandikila sile uku nzila yaku Lebo Hamati lwaku katutu, ukufika na kuli Yemba wa Musilya. Ali vino Yawe, Leza wa ina Izlaeli walavile umuomvi wakwe, Yona umwana wakwe Amitai, kasema waku Gati Hefeli.

Ezekelo 6:7

Antu yalafwa ntangali ntangali, na alasyalapo alino yalasininkizya ukuti fwandi nene indi Yawe.

Yelemiya 39:6

Kuku kwene ku Libula umwene waku Babiloni akoma ana aonsi yakwe Zedekiya apa manso yakwe Zedekiya kwene nga akoma na asambazi yonsi amu Yuda.

Ezekelo 13:23

Lelo ukuya kwene, mutalatala nupya mulole ivilolwa vya uwelewele nanti ukusowela ivyaku nkolelo. Pasi pano ndakulula antu yane ku makasa yinu. Alino mulasininkizya ukuti nene indi Yawe.”

Ezekelo 13:21

Ndalepola ni vitambala vinu vyaku mitwe nu kukulula antu yane ku makasa yinu, yatakatale nupya iyaya umu makasa yinu wa nyama zino yakalunga. Alino lyene mulamanya ukuti nene indi Yawe.

Ezekelo 13:14

Ndawisya ilinga lino mwakupawilile nu mula, ndalisumba pansi nu kusya imifula pambiliwili. Lilawa, namwe kwene lice limwilikizye, nu kumulovya. Alino mulamanya ukuti nene indi Yawe.’

Ezekelo 13:9

Nkutumpula ikasa lyane nu kukatusya nu kulwisya yakasema ya vya uwelewele. Yatalazumiliziwa ukwiza umwitengo lya yantu yane, yatalalembwa nu mu lupapulo lwakwe ya mwana Izlaeli. Alino mulamanya ukuti nene indi Yawe Simwandalali.

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

1 Yamwene 8:65

Kuku kwene, uku Ng'anda ikulu yakwe Yawe, ali kuno Solomoni na antu yonsi aina Izlaeli aizile ukufuma ku mupunda waku Lebo Hamati ukuyafika nu ku luzi lwa Eguputo, yazevizye Cimulo ca Nsakwe pa manso yakwe Yawe apa manda cinimbali.

Yoswa 13:5

Ni mpanga ya ina Gebali, nga ni ncende yonsi iya Lebanoni lwaku ufumondaka kufumilila ku Baali Gadi mwisika ya Mwamba wa Helimoni ukufika ku Lebo Hamati.