Ezekelo 1:26 - Amazwi Yakwe Leza 2013

²⁶ Papela ya cimpingizya pali cimwi calolekanga wa kaliwe kayengese kamutengo, akali wa cilimba ca wene. Alino papela yakwe cico, icikoline wa cilimba ca wene, apapela sile, pali uwalolekanga wa muntu ukuya papela.

Ezekelo 1:26 Referans Kwoze

Ezekelo 10:1

Lino ne Ezekelo natumpwile amanso yane papela yakwe yakelubi, naweni icintu conga icali wa cilimba ca wene, capangwa kwiwe likankala lyakwe safilo

Kufuma 24:10

alino yalola Leza wino aina Izlaeli yapepanga. Mwisika lya ngazo zyakwe mwali cimwi calolekanga papela ngati iwe licindame lyakwe safilo, ilyanze ningo, kuloleka kwaliko ngati iyulu.

Umbwilo 1:13

lyene pakasi ka vyakutekapo inyali cinimbali pali wino walolike wa mwana wa muntu, ala azwite umwingila uwafisile na pa ngazo zyakwe, nupya wazwite cimusipi cakwe zaabu pa cifuwa.

Danieli 10:18

Nupya kwene umungeli wilya ankumya, nga nani inkoma ukuluta.

Ezekelo 1:22

Papela ya mitwe ya viumbwa vyaumi pali icintu cali wa cimpingizya, iciyengese wa cilola, icali papela ya mitwe yakwevyo.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Umbwilo 14:14

Nupya ndola ikumbi litiswe, nga pi kumbi patenzi umwi uwalolike wa Mwana wa muntu, ala azwite ingala yakwe zaabu nupya alemile cikwakwa cikali.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Ezaya 54:11

We mulanda we wemuno ukuyungana ni vinkunka, wemuno usimyalalikwa, lelo lyene ndakuulila amawe yako pa mawe yauze amutengo yakwe daimondi. Alino nu mufula wako pa mawe amutengo yakwe safilo.

Ezaya 6:1

Umu mwaka uno mwene Uziya wafwilile mwenemo, ne Ezaya naweni Umwene ala atenzi apa cilimba cakwe ica wene, icisanzuke. Ala ni cakuzwala cakwe cati cilimba Ng'anda yakwe ikulu.

Umbwilo 5:13

Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Mateo 25:13

Caleka pempulini pano mutamanyile uwanda nanti kasita.”

Zakaliya 6:13

Aliwe kwene alankuulila Ng'anda yane ikulu ne Yawe, nupya alacindama wa mwene wa muno nsi, wiyo alaateeka na antu yakwe. Alakwatapo simapepo wenga wino alaaimilila pa cilimba cakwe ca wene, yonsi yoili yalauvwana nu kuombela ca pamwi mu mutende.

Masamu 45:6

Icilimba ca wene cino Leza wakupela, icakuyelelela amanda yonsi! Uwene wako, wene ukauteeka umu kulungika.

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Yoswa 5:13

Lyene lino Yoswa wali pipi nu ku Yeliko, asanzula amanso nga alola umuntu aimi ku nkolelo yakwe ala alemile ulupanga lwakwe mu minwe. Yoswa amulungama nga amuuzya ati, “We, uzye uli ku lusansa lwitu nanti uli ku lusansa lwa anisi itu?”

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Ezekelo 1:5

Nupya mukasi naweni icintu cimwi calolekanga wa viumbwa vini vyaumi. Mu kuloleka kwakwevyo vyakweti cata ca muntu.

Ezekelo 43:6

Lino umuntu wilya acili aimi apipi nani, inuvwa umuntu umwi akuvwanga kunondi umukasi ka Ng'anda ikulu yakwe Leza.

Ezekelo 43:7

Alanda ati, “We mwana wa muntu, ii ili ncende ya cilimba cane ca wene, nupya apano nkalyata ingazo zyane.

Ezekelo 8:2

Awe mukwai niza nalolekesya, nalola cimwi cino cikoline wa muntu. Ukutandikila kuli cino calolekanga wa musana wakwe ukuya pisika, walolekanga wa moto. Nupya ukufuma umu musana wakwe ukuya papela, wali waluswepo, luno lukuyengesa wa cela icikulumbile ningo.