Ezaya 4:4 - Amazwi Yakwe Leza 2013

⁴ Yawe alafula anaci amu Zioni pa uyi wao. Alasangulula Yelusalemu uku wazi uno yazwisya, uku mupu wakwe sile uwa upinguzi nu wa ononyi.

Ezaya 4:4 Referans Kwoze

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Ezekelo 36:29

Ndamupususya ku makombezya yonsi. Ndakonkomezya ukuti ingano zikavulisye, apakuti nupya mutace mukaponelwe ni nzala.

Ezaya 28:6

Antu yano yakaputula imilandu ya yauze, Leza umweneco amaiza ayalangilile umwalola ulungami. Nupya aliwe kwene amaiza akomelezye yayo akazinga anisi yano yakaizila ukuzanza impongolo zya musumba.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Yowelo 3:21

Ndalandwila uwazi wakwe yayo akomwa, nupya ntalelela nu utazi uwo uwakatwe. Nupya ne Yawe ndaikala ku Zioni.”

Ezekelo 22:15

Antu yako ndayasalanganyizizya mu mitundu ya antu yauze aya mu mpanga zyuze, ni viipe vino ukacita navyo kwene ndavipezya.

Nyimbo zya ndosya 1:9

Ukukowela kwakwe kwalolekanga apaswe. Lelo wene atatailanga ukuti alasyama wakwe vino cili. Ukuwa kwakwe kwali ukwakuzunguka. Kutali nu wakumumyalalika foo. Wene wapapatanga sile kuli Yawe ala akuti, “Sungala ulole ulanda wane, pano anisi yane yatiyancimvya.”

Ezaya 9:5

Pano lyene ulusapato lonsi ulwa ulwi, nanti insalu zyonsi izikandane uku wazi, vimapya pyu uku moto.

Ezaya 1:31

Vivi kwene vino icimbilimbili cikaoca icimuti icume, ali vino na antu yamaka yalapila pamwi ni vicitwa vyao. Nupya kutalaloleka umuntu nanti wenga alalesya ukuti antu yayo yakane ukononeka.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Zefaniya 3:1

Kalanda kuli we Yelusalemu, umusumba wa antu ankalwe, yacisanguka nupya akowele!

Masamu 51:2

Mfumizye impulupulu zyane zyonsi pyu.

Lwimbo lwakwe Solomoni 3:11

Mwe anaci amu Zioni, fumini, nga mwize mulole Umwene Solomoni watazwala cilongwe, cilongwe cino nyina wamuzwisile pa wanda wa winga wakwe, wanda uno mwenzo wakwe wazanzile cuze.

Ezaya 9:19

Impanga yatipya uku ukali wakwe Yawe Wamaka yonsi cakuti antu yatiyapya. Cila muntu lyene akantunta ntwala.

Ezaya 1:25

Ndamupezya nemo. Ndamwengulula wakwe vino yakaengulula yamunyela umwi lungu nu kufumya ivikwi vyonsi pyu.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.