Ezaya 1:11 - Amazwi Yakwe Leza 2013

¹¹ Yawe akuti, “Uzye mwemo mukwelenganya ukuti nkulonda impolelwa zinu zino mwala mwakoozya ukutuula kunondi. Ivimafwele vino mukungocela vyativimfuulila. Nanti sile amafuta ya nyama zinu izisuma nayo kwene yatiyamfuulila. Uwazi wakwe yacipambasi na wakwe yasuuku, na wakwe yasawe nao kwene watiumfuulila.

Ezaya 1:11 Referans Kwoze

Amosi 5:21

Yawe wavwanga wati, “Amanda inu a vimulo vyamapepo nayapata nupya nsizangila mu ukongano winu uli onsi uwa mapepo.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.

Yelemiya 6:20

Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Mika 6:7

Uzye Yawe alazangila muli yasuuku amazimbi, nu mu nguzi izisikama zya mafuta ya miolivi? Uzye ningapela iyeli lyane kuti nkululwe uku maifyo yane? Uzye umwana wane angaya impolelwa yakulipila apa maifyo yane?

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Masamu 50:8

Insikumusinkola apamulandu ni mpolelwa zinu foo. Nanti asi apamulandu wa mpolelwa zya koca zino mukantula lyonsi.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Masamu 51:16

Ndi cakuti nakutula impolelwa, usipokelela, nanti sile impolelwa yakoca, nayo kwene isikuzanzya foo.

Yelemiya 7:21

Yawe Wamaka yonsi, Leza wa ina Izlaeli wavwanga wati, “Lundini impolelwa zinu zyakoca apa mpolelwa na zyuze, mulye inyama.

Mateo 22:4

Nupya atuma aomvi yauze ayanena ati, ‘Pitini, kanenini yao amilwe ukuti nati nteyanya cimulo. Nati nkoma tucipambasi twine nupya tunone. Vintu vyonsi vyati viteyanyiziwa. Izini ku cimulo ca winga.’

Mpendwa 7:45

Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

Masamu 40:6

Impolelwa na mawila wemo usivilonda, awe. Lelo wemo wampeela amatwi akuvwilako. Usilonda amawila yakoca na mawila yakwelela amaifyo.

Mapinda 21:3

Ukucita ivisuma ni vya ulungi kukasansamusya Yawe, ukuluta ukupeela impolelwa kunoli.

Ezaya 58:2

Ukuya kwene yakampepa muno wacela, yakaitakizya na pakulondela amasunde yane, nga na pakucita ivilungame. Yakampapatila ukuti nayapolelela nu kuyapeela amasunde alinzile.”

Oseya 6:6

Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

Amosi 5:22

Nanti angala mwandetela amawila inu akoca na mawila ya mbezu, nemo ntalapokelela. Nanti angala mwandetela amawila inu autandano asuma cuze, nemo ntalayazumila awe.

Hagai 2:14

Lyene Hagai avwanga ati, “Vino Yawe akuvwanga aivi: Icili cimwi na antu kwene yaa, nupya icili cimwi nu mutundu kwene onsi uu apa manso yane. Ivicitwa vyao vyonsi kumwi ni mpolelwa zyao zyonsi izikowele nupya izya mifitalila ku mulola wane.

Zakaliya 7:5

Atandika nu kunena ati, “Nena antu yonsi mu mpanga, unene na yasimapepo kwene ukuti lino yakuizilizya ukulya na lino yakulosya mu mwezi walenga cinimbali, apa myaka amakumi cinimbali yonsi ino yapita, uzye apamulandu wakwe nene, acino mwacitilanga cico?

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Amosi 4:5

Mupele umukate winu pakuti mutaizye Leza. Muitakizye apa mawila inu akuitemelwa, nu kuyuvwa pa mawila kwene yayo, pasi pano avino mwe ina Izlaeli mwatemwa ukucita. Avino Yawe wavwanga.