Esita 8:7 - Amazwi Yakwe Leza 2013

⁷ Nga lyene umwene Aasuwelo anena namwene Esita na Modekai Umuyuda ati, “Mwe, Lolini! Natinkulika Hamani apa ukakasi wakwe uwa kuzunya Ayuda. Natimpeela na Esita ivyuma vyakwe vyonsi kunoli.

Esita 8:7 Referans Kwoze

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Mapinda 13:22

Umuntu uwa mano akasiila ana icaupyanyi, lelo icuma ca muntu mwipe cikasungilwa yayo akacita ivyaololoke.

Ezila 4:6

Na pakutandika sile ukwa uteko wakwe Aasuwelo, yapeela aikazi amu mpanga yakwe Yuda na amu mpanga ya Yelusalemu imilandu.

Esita 8:1

Uwanda kwene uwa umwene Aasuwelo wapile namwene Esita ing'anda ni vyuma vyonsi vyakwe Hamani, umwanisi wa Ayuda. Esita anena umwene ukuti Modekai uwakazi kakwe, nga ukufuma lili kwene Modekai wazumiliziwe kumuleta uku mwene.

Esita 7:9

Nga lyene wenga pali yamutungwi, uwi zina lyakwe Halibona avwanga ati, “Umu ng'anda kwene umwakwe ali muno Hamani umwisikulu kwene wasimpa icimuti icitalimpe, ukulingana na yamita amakumi yaili na yatatu. Wacisimpa apakuti akuno akulikile Modekai apamulandu na mazwi yano wavwanzile aku kutuula we musambazi!” Umwene apakuvwa vivyo wene apunda sile ati, “Akuno kamukulikilini!”