Esita 8:2 - Amazwi Yakwe Leza 2013

² Umwene ali pakuzula imbalaminwe iyakweti impalata ino wapokolwile kuli Hamani, nu kuipeela kuli Modekai. Nga Esita nawe apeela Modekai uwangalizi wakulolekesya apa vyuma vyakwe Hamani.

Esita 8:2 Referans Kwoze

Esita 3:10

Umwene apakuvwa vivyo azula imbalaminwe, iyakufwatikilapo insimbi, aipeela kuli Hamani umwana umonsi wakwe Hamedata umwina Agagi, wiyo uwali umwanisi wa Ayuda.

Danieli 2:48

Lyene umwene alasika Danieli icifulo cicindame wakwe cimwi, amupeela na mawila avule nupya. Wene aleka kuti ateeka mu muputule onsi wa mpanga ya Babiloni nu kumucita kangalila mukalamba wakwe yampandamano yonsi akwi sano.

Utandiko 41:42

Falao azula imbalaminwe yakwe ya cimanyililo ca usambazi, azwika Yosefu ku munwe, amuzwika nu mwingila usuma nga atoola munyololo wakwe zaabu amukoweka mu nsingo.

Luka 15:22

Lelo isi aama aomvi yakwe ati, ‘Pitisyini, letini zuwa umwingila usuma kuluta pali yonsi mumuzwike. Mumuzwike ni mbalaminwe ku munwe ni ndyatu ku ngazo zyakwe.

Masamu 37:34

Taila muli Yawe, uwalondela inzila zyakwe. Alakupeela amaka akupyana impanga, ulalola nakuno antu aipe yazingwa mwenemo.

Esita 8:3

Esita aswilizya ukunena umwene, ale akukunkula apa ngazo zyakwe, akulila na minsozi. Alino amulenga ukuti angacita penepo cimwi ica kuvulunganya amapange yakwe Hamani umwina Agagi, yano wapingile ukukoma Ayuda.

Esita 10:2

Ivicitwa vyakwe vyonsi ivya lulumbi nu ukangalume wakwe ukwika penepo ni vya ucindami wakwe Modekai wino umwene wacindamike, vyalembwa umu lupapulo lwa Milandu yakwe yamwene aku Medya nu ku Pesya.