Esita 7:9 - Amazwi Yakwe Leza 2013

⁹ Nga lyene wenga pali yamutungwi, uwi zina lyakwe Halibona avwanga ati, “Umu ng'anda kwene umwakwe ali muno Hamani umwisikulu kwene wasimpa icimuti icitalimpe, ukulingana na yamita amakumi yaili na yatatu. Wacisimpa apakuti akuno akulikile Modekai apamulandu na mazwi yano wavwanzile aku kutuula we musambazi!” Umwene apakuvwa vivyo wene apunda sile ati, “Akuno kamukulikilini!”

Esita 7:9 Referans Kwoze

Esita 5:14

Zelesyi umuci wakwe pamwi na auze yakwe yonsi yamutolelela iyati, “Si wemo yanga sile ukimike icimuti icitali icingafika nu ku mamita amakumi yaili na yatatu. Mutondo akatondo tondo uce ukanene umusambazi ukuti Modekai akulikwe sile. Alino muce muye uku cimulo pamwi nu mwene ni myenzo isansamuke.” Apakuvwa vivyo, Hamani pasi pakusansamuka. Apela ni lamulo lya kwimbila icimuti ukwakukulikila Modekai.

Esita 1:10

Pa wanda wakwe cinimbali lino mwene Aasuwelo wazanzile cuze apacisila ca kumwa waini, wene wapile ilamulo ku antu yaa cinimbali: Meumani, Bizita, Halibona, Bigita, Abagita, Zetaala na Kalikasi, ali yamutungwi amutumikilanga.

Masamu 141:10

Leka aipe yaponele umu masumbo yao aeneco, lelo nemo nsyale uwaula indema.

Masamu 35:8

Kayale yapongelele sile ukwaula nu kwenekela, yalemwe nu mwi sumbo kwene lino yatevile aeneco kwene nu kuponela muli polowe wino yimvile aeneco kwene.

Danieli 6:24

Lyene umwene apeela ilamulo kuti yaleme antu yalya yonsi apile Danieli umulandu, nga aleka yayasumbila mu ninga yakwe yacisama, kumwi na aci yao na ana yao kwene. Lino yatatala yapona pansi umu ninga, yacisama yayanka nu kuyakokota amafupa yao yonsi.

Danieli 6:7

Swe aomvi swensi kwene, angalizi, alasi, angalizi ya alasi, ni ntunguluzi zyuze, twatituzumilizyanya ukuti we musambazi upele ilamulo nu kukonkomezya ukuti umuntu ali wensi wino alapepa kuli leza ali wensi nanti ku muntu umu manda amakumi yatatu akwiza, umu cifulo ca kupepa kunuli, we mwene, wene alasumbilwa mu ninga yakwe yacisama.

Masamu 73:19

Yakapongelela sile ukwaula nu kusumba akasita. Ee mwandi ali kupezya, yakaifwila sile uku ntete!

Esita 9:25

Lelo walanga namwene Esita watwala umulandu uo ku mwene, umwene nawe avino wapile ilamulo mu malembelo, ilyakuti Hamani pamwi na ana yakwe yakulikwe uku vimuti.

Esita 6:14

Alanga yacili landana, yamutungwi akwisano yafika, yiza sile lwilo lwilo umu kusenda Hamani uku cimulo cino Esita wateinye.

Esita 6:2

Ali pakuzana umulandu uno Modekai wanenyile Bigitana na Telesyi, yamutungwi yaili akwisano, yakasunga ya mpongolo ni miputule yakweneko, nupya alondanga ukukoma umwene Aasuwelo.

1 Samueli 17:51

Davidi asimwilila kunoli, amutangalila. Alino asomola ulupanga lwakwe Golyati umu cituwo caluko, nga aputula umutwe wakwe pacisila ca kumukoma. Lino aina Filisti yalola ukuti icipombolo cao yakwecoma, yene iyasenuka iyutuka.

2 Yamwene 9:32

Yeu alingamila mupela lwa pa nzota nga apunda ati, “Aweni ali ku lusansa lwakwe nene?” Yacilolo yaili nanti yatatu akwisano nayo yasungamila pa nzota yalola Yeu.

Esita 8:7

Nga lyene umwene Aasuwelo anena namwene Esita na Modekai Umuyuda ati, “Mwe, Lolini! Natinkulika Hamani apa ukakasi wakwe uwa kuzunya Ayuda. Natimpeela na Esita ivyuma vyakwe vyonsi kunoli.

Esita 9:14

Umwene nawe wamuzumilizya ukuti yangacita vivyo kwene. Fwandi iyuma imbila umu Susa nga ana aonsi ikumi yakwe Hamani iyakulikwa uku cimuti.