Esita 3:7 - Amazwi Yakwe Leza 2013

⁷ Umu mwaka walenga ikumi na iili iya kuteeka kwakwe Aasuwelo, umu mwezi wakwe Nisani, alino yacisile ukupendola kuno yatangi, “Pulimu”, apakuti yapendole yalondelezye uwanda ni nsita, iyakufikilizya ipange lyakwe Hamani pali Modekai. Fwandi ali vino umu mwezi walenga ikumi na iili, wakwe Adali, uwanda uwalenga ikumi na itatu ali uno cafikiliziwe ukulingana nu kupendola kwao.

Esita 3:7 Referans Kwoze

Ezila 6:15

Umulimo wamalilike apa wanda walenga yatatu umu mwezi wakwe Adali, umwaka walenga mutanda umu uteko wa mwene Dalyusi.

Mapinda 16:33

Apakumanya vino Leza akulonda, antu yakapendola utumawe, tuno yasimapepo yakazwala apa cifuwa. Lelo wino akaputula imilandu, umweneco Umwene Leza.

Mateo 27:35

Lyene lino yamutana pa lupanda, yaankana ni vizwalo vyakwe, pacisila ca kupendola.

Esita 9:21

Ayakonkomezya ukuzevya uwanda uwalenga ikumi na yani uwa mwezi wakwe Adali, nu wanda uwalenga ikumi na yasano cila mwaka. Amanda yayo, yafwile yawakwa nu kuyacita amanda ya kupuza.

Esita 9:5

Acino lyene Ayuda yaicitilanga icili consi cino yatemwa ukucita uku anisi yao. Yayazanzanga ni vyanzo vyao nu kuyakomola.

Esita 9:1

Umu mwezi walenga ikumi na iili wakwe Adali, apa wanda kwene uwalenga amakumi yaili na yatatu, izwi lya mwene pamwi ni lamulo lyakwe, vyali nu kucitika. Lilyo kwene alino na anisi ya Ayuda nayo yapaalilanga ukuyonona. Fwandi lyene umulandu wayafutukila, Ayuda alino yacita ivyali nu kucita anisi yao.

Esita 2:16

Lilyo cali umu mwaka uwalenga cinimbali uwa kuteeka kwakwe Aasuwelo. Umu mwezi walenga ikumi, umwezi ukaamwa Tebeti, ali lino Esita yamusenda ku kulola umwene Aasuwelo ukwisano.

Esita 1:3

Umu mwaka wakwe citatu, uwa kuteeka kwakwe, wene wateyanyizizye vilolo vyakwe vyonsi, aomvi yakwe yonsi pamwi na yamusika ya vita vyakwe vyonsi vyaku Pesya nu ku Medya, icimulo. Ukwika penepo na yakateeka, na alasi amu miputule ya mpanga alalikwe.

Neemiya 2:1

Umu mwezi wakwe Nisani, umwaka uwalenga amakumi yaili akuteeka kwa mwene Alitakisesi, natoozile waini nu kupeela umwene. Wene atatazile alole vino nkuloleka umu undalile.

Ezila 4:6

Na pakutandika sile ukwa uteko wakwe Aasuwelo, yapeela aikazi amu mpanga yakwe Yuda na amu mpanga ya Yelusalemu imilandu.