Esita 2:6 - Amazwi Yakwe Leza 2013

⁶ Lino Nebukadineza umwene waku Babiloni wacimvizye Yeoyakini umwene uwa Ayuda umu Yelusalemu, nu kumusenda uku uzya pamwi ni umba lyakwe, Modekai wali pali yayo.

Esita 2:6 Referans Kwoze

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.

2 Milandu 36:20

Ali pakusenda yao asile impondo ayatwala uku Babiloni kuko kuno yaile yamuombela nga yaombela na ana yakwe kwene mpaka nu kukwiza kwa wene waku Pesya.

2 Yamwene 24:6

Lyene Yeoyakimu asuka afwa, nga yamuzika. Alino Yeoyakini umwana wakwe umonsi amupyana pa cilimba ca wene.

Yelemiya 22:24

Yawe wavwanga uku mwene Yeoyakini, umwana umonsi wakwe Yeoyakimu umwene waku Yuda, wati, “Cumi kwene vino nene indi Leza wa umi, nanti angala Yeoyakimu angaya imbalaminwe ukwi kasa lyane lilungi, nemo ningamuzula.

Yelemiya 22:28

Nemo natiile, “Uzye umwene Yeoakini watasanguka wa nkolo itamike ino yatiyasumba, cakuti kusi nanti wenga angaitemwa nupya? Uzye pacani cino yatiyasendelwa mu uzya, aliwe na antu yakwe, umu mpanga ino yatamanyile nanti panono?

2 Yamwene 24:12

Alino lyene umwene Yeoyakini pamwi na nyina, na ana yakwe, ni nkombe zyakwe zya kwisano kwene, iyiza yacimba ku ina Babiloni. Mu mwaka wakwe cinani uwa kuteeka kwa mwene waku Babiloni, umwene Nebukadineza asenda Yeoyakini umu uzya.