Esita 10:3 - Amazwi Yakwe Leza 2013

³ Modekai Umuyuda wilya wali uwakwe ciili uku mwene Aasuwelo, wiyo wino na antu yakwe Ayuda yatemwisizye nu kucindika wakwe cimwi, pamulandu wakusakamala sana ivingazipila antu yakwe. Wene wacingililanga Ayuda yonsi pyu.

Esita 10:3 Referans Kwoze

Neemiya 2:10

Lino Sanibalati umwina Holoni na Tobiya umwina Amoni yuvwa umulandu uu, yene yasoka apakulola ukuti kwiza umuntu umwi uwa kuzifya uwikazi wa ina Izlaeli.

Loma 14:18

Umwi ndi akutumikila Klistu mu musango uu, ale lyene amazanzya Leza, na antu nayo yamamucindika.

Loma 10:1

Inane kulonda kwa mwenzo wane ni pepo lyane kuli Leza, pa ina Izlaeli onsi, ilya kuti yatuulwe.

Danieli 5:29

Lilyo kwene Belisyazali apeela ilamulo ku yaomvi yakwe kuti yazwike Danieli umwingila wa yene uyenzulukile nga na kamunyololo kakwe zaabu umu nsingo aka kumucindamikila kweneko. Nga amucita ukuya kateeka wakwe citatu umu wene wakwe.

2 Milandu 28:7

Zikili, icita caku Efulemu, cakomile Maaseya umwana umonsi uwa mwene, cikoma na Azilikamu uwali umukalamba wakwisano, na Elikana, uwali wakwe ciili uku mwene.

Utandiko 41:40

Nakucita ukuya mulasi wa mpanga yane, na antu yane yalayela amasunde yako. Ndakuluta sile pamulandu wakuti nene indi mwene wa mpanga yonsi ya Eguputo.

Danieli 5:16

Lyene nemo nuvwa ukuti wemo ungaumbula ivyafiswa nu kulondolola inkama. Acino ndu ngawelenga ivilembo vii nu kunena muno viile, ale lyene umazwikwa imingila iyenzulukile yaku wene, na kamunyololo kakwe zaabu umu nsingo aka kukucindamikilako, nga ulaya kateeka wakwe citatu mu wene wane.”

Esita 3:2

Umwene wapile ilamulo ku yaomvi yonsi akwi sano, ilya kucindika nu kufukamila Hamani. Asyala yonsi avino yayezile ilamulo lilyo, suka sile Modekai wene wakanyile ukumufukamila nu kumupeela umucinzi.

1 Samueli 23:17

“Utuvwa intete. Tata Saulo atalacita cimwi iciipe kunuli. Wene amanyile ningo ukuti wemo ulaya umwene wa ina Izlaeli nu kuti nene ndaya wakwe ciili kunuli.”

Danieli 6:3

Lyene Danieli zuwazuwa aloleka ukuti angaluta angalizi yauze mu kuomba. Pamulandu wakwe cico, umwene welenginye uku mulasika pa cifulo ca kwangalila uwene wakwe onsi.

Utandiko 45:10

Ulikala mu muputule wa mpanga ya Gosyeni, kuno ulaya pipi nani, wewe na ana yako, na aizikulu yako, ni mfwele zyako, ni mbuzi zyako, ni ng'ombe zyako, na vyonsi vino wakwata.

Utandiko 45:11

Ndi mwikala ku Gosyeni ndamusunga. Kuliza imyaka nayuze isano ya cipowe. Ntakulonda wewe na amu ng'anda yako nga ni viteekwa vinu mukafwe ni nzala.’ ”

1 Samueli 18:16

Lelo aina Izlaeli yonsi na ina Yuda yatemilwe Davidi, pamulandu wakuti wene wayatungululanga umu ulwi.”

Esita 2:5

Umu musumba wa Susa mwatenzi mwenemo umuntu umwi Umuyuda. Izina lyakwe wali a Modekai, umwana umonsi wakwe Yaili, umwana umonsi wakwe Syimei, umwana umonsi wakwe Kisyi, uwamu luko lwakwe Benjamini.