Esita 1:15 - Amazwi Yakwe Leza 2013

¹⁵ Mwene auzya ati, “Ukulingana ni lamulo, uzye namwene Vasyiti tumucite uli pano wene watakana ukuzumila ulwamo luno ne mwene Aasuwelo natintuma ukupitila muli yamutungwi yalya?”

Esita 1:15 Referans Kwoze

Esita 6:6

Hamani nawe ali pakwingila. Umusambazi nawe amuuzya ati, “Uzye umuntu wino umwene akulonda ukucindamika, ningamucitila cani?” Hamani pano ali papa, atala akutumala nga aelenganya umu mwenzo wakwe ati, “Aweni wino umwene angacindamika ukuluta pali nene?”

Ezila 4:6

Na pakutandika sile ukwa uteko wakwe Aasuwelo, yapeela aikazi amu mpanga yakwe Yuda na amu mpanga ya Yelusalemu imilandu.

Esita 1:14

Yampandamano ya mwene yali ndi vii: Kalisyena, Syetali, Adimata, Tasyisyi, Melesi, Malisena na Memukani, ni ntunguluzi cinimbali zyaku Pesya nu ku Medya azumiliziwe kwiza lolana nu mwene. Nupya yakweti ivifulo vikulu mu wene ulya.

Esita 1:16

Alino Memukani avwanga pa manso ya mwene na pa manso ya ntunguluzi zyuze ati, “Namwene Vasyiti atifizye sile ku mwene wenga, awe. Lelo wataifya nu ku ntunguluzi zyonsi ni mitundu yonsi ya antu yano yali mu mpanga yakwe Aasuwelo.