Esita 1:1 - Amazwi Yakwe Leza 2013

¹ Mu manda yakuteeka kwakwe Aasuwelo, umwene waku Pesya wateekanga vitungu 127 vya mpanga ukutandikila ku India mpaka ukufika nu ku Kusyi.

Esita 1:1 Referans Kwoze

Danieli 9:1

Mu mwaka wakwe conga wakuteeka kwakwe Dalyusi umwana umonsi wakwe Aasuwelo, uwalasikwe uwene waku Babiloni,

Esita 8:9

Vivyo vyacitike apa wanda walenga amakumi yaili na yatatu umu mwezi wakwe citatu, ukaamwa Sivani. Modekai ali pakwama yakalemba yonsi pyu, akwisano. Ayanena ukuti yalembe amakalata akusalanganya umwayela a Yuda nu mu alasi, nu mu ntunguluzi zyonsi izikatungulula amaumba umu miputule ya mpanga yonsi umwanda onga, amakumi yaili na cinimbali. Ukutandikila uku India mpaka ukufika nu ku Kusyi. Kuli cila citungu, yalembele kweneko kalata, umu mutundu wao, Ayuda nayo iyayalembela umu cilimi cao ica Ciyuda.

Danieli 6:1

Cazanzizye Dalyusi kuti asonte alasi umwanda onga na makumi yaili kuti yateeka monsi mu wene wakwe.

Esita 9:30

Kalata wiyo watumilwe nu kusalanganyiziwa ku Ayuda umu miputule ya mpanga yonsi iyali 127. Mwali amazwi akulenga ulongo nu kukonkomezya antu ukuti yatontela uteko.

Ezila 4:6

Na pakutandika sile ukwa uteko wakwe Aasuwelo, yapeela aikazi amu mpanga yakwe Yuda na amu mpanga ya Yelusalemu imilandu.

Ezaya 37:9

Alino amazwi yafika kuli Senakelibu, ukuti, umwene wa ina Kusyi ali umu nzila, akwiza ni vita vya ina Eguputo uku kwiza yawililila. Umwene mukalamba lino uvwa, atuma kalata nupya kuli Hezekiya, umwene waku Yuda ati,

Ezaya 18:1

Kalanda ku antu aikala mu mpanga yamu nkumba zya nguzi zyamu Kusyi! Kuku kwene kukauvwika ukupungaila kwa maapa.

Esita 2:3

Umu mpanga yonsi ino ukateeka leka yakulondele muli cila citungu, akazyana yaa yonsi ayembe sana. Yace yayakonganike muno kwene umu ng'anda yakwe yamangu umu musumba ukalamba uwa Susa, umu ng'anda ya enyi iya anaci. Wiyo alayasunga a Hegai, umuomvi uwapeelwa umulimo wakusunga akazyana. Uce uleke kuti yakafulale nu kupelwa ivyakuyayemvya vyonsi ivyalinga ukupelwa kunoyali.

Esita 10:1

Umwene Aasuwelo wapingwilile antu yakwe aikalanga uku nkumba yakwe yemba umu wene wakwe, kumwi na aku mulundu kwene ukuti yasonka umusonko.

Danieli 11:2

Lyene vino namakunena ivyacumi.” Umungeli wilya avwanga ati, “Yamwene nayauze yatatu yalateeka umu Pesya, nga lyene wakwe cini alaya umukama ukuluta yonsi asyala. Apa nsita ino wene alaya na maka, alatunkola antu kuti yalwisye uwene wa Gilisi.