Efeso 6:6 - Amazwi Yakwe Leza 2013

⁶ Mutaomba sile ningo lino yakumwangalila, ngati mukulonda kutasiwa na antu. Lelo mwaomba milimo wa azya yakwe Klistu, kuomba ni myenzo inu yonsi kucita vino Leza akulonda.

Efeso 6:6 Referans Kwoze

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

Galatiya 1:10

Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

Efeso 5:17

Caleka mutaya viwelewele, lelo mwaezya kumanya vintu vino Umwene akulonda kuti mwacita.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.

Filipi 2:12

Caleka, mwe yakundwe yane, ndi vino mwayelanga nene lino nali pamwi namwe, lyene calondekwa ukuti ndakai lino nsi namwe mwayela kuluta. Twalililini kuomba mu coopo nu kuzakaza kuti mufikilizye ufyusi winu,

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

Ayebulai 10:36

Mulinzile kuteeka myenzo, kuti mucite kulonda kwakwe Leza nu kupokelela cino walaya.

Kolose 1:9

Pamulandu kwene uu swemo tukamupepela, kufuma pa wanda uno tuvwile vya pali mwemwe. Tukulenga Leza kuti amupeelesye umanyililo wa kucita kulonda kwakwe, mu mano yonsi nu kuvwikisya vino Mupasi Wamuzilo akapela.

Mateo 7:21

“Asi muntu wensi akangama ati, ‘Mwene, Mwene’ alingila mu Wene wa mwiyulu, suka sile yao akacita kulonda kwakwe Tata uwa mwiyulu.

1 Yoane 2:17

Caleka insi ii ya pansi ikupita, pamwi nu lunkumbwa ululi mwenemo. Lelo umuntu wino akacita kulonda kwakwe Leza akaikalilila manda pe.

Loma 6:17

Pansita imwi mwali yazya akuyela maifyo, lelo ndakai nkutaizya Leza pano mukayela usambilizyo uwo uno mwapokelela ni myenzo inu yonsi.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

1 Petulo 2:15

Pano Leza akulonda kuti vicitwa vinu visuma vileke kulanda kwa ututu kwa antu awelewele kusile.

Yelemiya 3:10

Vivyo vyonsi vitalenzile Yuda, kaci wakwe cizelele muze, ukuweluluka kunondi nu mwenzo wakwe onsi. Lelo wene wacitanga cico umwisyente.” Ivyalanda ne Yawe.

1 Tesalonika 4:3

Leza akulonda kuti muye amuzilo nupya antungwa cuze kufuma ku ulongozyo.

Mako 3:35

Pano wino wensi akacita vino Leza akalonda, wene ali mwina wane, na kaci wane, na mayo.”

1 Kolinto 7:22

Pano muzya wino Mwene waama wene muntungwa ku Mwene. Mu musango uli onga kwene muntu muntungwa wino Klistu waama wene muzya wakwe.