Efeso 6:5 - Amazwi Yakwe Leza 2013

⁵ Namwe mwe azya mwayela asambazi inu mu coopo nu kuzakaza. Mwacita cii ni cumi wakwe vino mungatumikila Klistu.

Efeso 6:5 Referans Kwoze

Efeso 5:22

Anaci yatontela yaiya yao, wakwe vino yakatontela Mwene.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

1 Petulo 3:2

pano yalalola vino micitile inu yaya isuma nupya iya mucinzi.

Filimoni 1:16

Ndakai wene asi sile muzya, lelo wene alusile muzya. Kunondi wene alusile pa mwina! Lelo kunuli alalusya nu kuluta, wa muzya nupya wa mwina mu Mwene!

Filipi 2:12

Caleka, mwe yakundwe yane, ndi vino mwayelanga nene lino nali pamwi namwe, lyene calondekwa ukuti ndakai lino nsi namwe mwayela kuluta. Twalililini kuomba mu coopo nu kuzakaza kuti mufikilizye ufyusi winu,

Masamu 86:11

We Yawe, unsambilizye ukucita vino ukalonda pakuti nakutontelela mu mipitile yane na pakuti naoopa izina lyako.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

1 Kolinto 7:22

Pano muzya wino Mwene waama wene muntungwa ku Mwene. Mu musango uli onga kwene muntu muntungwa wino Klistu waama wene muzya wakwe.

Mateo 8:9

Pano nani kwene, nene muntu uwalasikwa na maka ku uteko pi sika lya ntunguluzi zikulu. Nani kwene nakwata asilika yano nkaangalila. Ndi nanena wenga nati, ‘Pita!’ Nawe apita, nu ku muze inti, ‘Iza!’ Nawe aiiza, nupya ndi nanena muzya wane nati, ‘Cita cii!’ Nawe acita.”

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Utandiko 16:9

Mungeli wakwe Yawe ati, “Swilila kuli Salai nu kuya ikala mwi sunde lyakwe wa muzya.”

Efeso 6:24

Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.

Masamu 123:2

Ndi vino aomvi yakatontomezya amanso apa musambazi wao, nanti vino umuomvi umwanaci akatontomezya amanso pali mangu kateeka wakwe, ali vino naswe kwene tutontomizye amanso kuli Yawe Leza witu, kusuka aye na mizu kunotuli.

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Yoswa 24:14

Lyene Yoswa atwalilila kuvwanga ati, “Fwandi lyene mulinzile koopa Yawe nu kumutumikila umucumi nu mukutailwa. Sumbini tuleza tuno ivikolwe vinu vyapepanga ku mbalama ya Luzi lwa Yodani nu mu Eguputo, nga mwatumikila Yawe.

2 Kolinto 7:15

Acino Tito watemwisya mwensi kwene, maka maka ndi wiusya vino mwayelanga mazwi yakwe nga na vino mwazakazanga nu koopa lino mwamuzengile.

1 Kolinto 2:3

Caleka lino nizile kunomuli, nali mutonte nu kuzakaza pamulandu wa ntete.

Milimo 2:46

Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke,

Mateo 6:22

“Manso yakoline wi lampi lya kukozezya mwili. Caleka manso inu ndi yali ningo, mili inu nayo kwene ilazulamo luswepo.

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.