Efeso 6:21 - Amazwi Yakwe Leza 2013

²¹ Tikikasi, mwina witu mukundwe nupya muomvi uwa cumi mu mulimo wa Mwene, alamunena vyonsi vya pamulandu nani, kuti mumanye wikazi wane na vino nkucita.

Efeso 6:21 Referans Kwoze

Milimo 20:4

Sopata, mwana Pilusi, uwafumile ku Belea, amusukilila, avino na Alisitako na Sekundo uwafumile ku Tesalonika, Gayusi uwa ku Debe na Timoti nga na Tikikasi na Tulofimo, afumile ku Asiya.

2 Timoti 4:12

Natuma Tikikasi ku Efeso.

Tito 3:12

Lino ndatuma Alitema nanti Tikikasi kunuli, uce wezye na maka yako yonsi kwiza ku Nikopoli, pano nemo nati nelenganya kwikala kuku mu nsita ya pamwela.

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

Filimoni 1:16

Ndakai wene asi sile muzya, lelo wene alusile muzya. Kunondi wene alusile pa mwina! Lelo kunuli alalusya nu kuluta, wa muzya nupya wa mwina mu Mwene!

1 Timoti 4:6

Ndi watungulula vii ku ina itu, lyene ulaya muomvi musuma wakwe Klistu Yesu. Lyene ulalanga ukuti wemo wimulwa na mazwi ya utailo nga nu usambilizyo usuma uno walondela.

Kolose 1:7

Mwasambilile cikuku cakwe Leza kuli Epafula, muomvi unji mukundwe nupya uwacumi wino mucifulo cakwe sweswe akatumikila Klistu.

1 Kolinto 4:17

Uli mulandu uno nkutuma Timoti kunomuli. Nemo namutemwa wa mwana, nupya wene umuomvi mutailwe wa Mwene. Wene alamwiusya vintu vino nkacita mu kulondela Klistu, vino vitapusana kuli vino nkasambilizya mu mauvi yonsi.

Filipi 1:12

Inane nkulonda kuti mumanye ukuti vintu vino vyancitikile, mucumi vyacitike kuti mulimo wakusalanganya Ilandwe Lisuma uye nkolelo.