Biblia Todo Logo
Bib sou entènèt

- Piblisite -




Efeso 6:18 - Amazwi Yakwe Leza 2013

18 Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

Gade chapit la Kopi




Efeso 6:18
51 Referans Kwoze  

Mukonkowezye kupepa. Nalino mukupepa, pempulini nu kutaizya Leza.


Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.


Cankolelo pali vyonsi, nkulenga ukuti kuye mapepo akupepela antu onsi. Mapepo yaye akupapata, ukulenga, nu kutaizya Leza.


Lelo mwe yacuza yane akundwe, twalililini kukula mu utailo winu wamuzilo. Pepini mu maka yakwe Mupasi Wamuzilo.


Alino nawe ayanena ati, “Pempulini, nu kupepa kuti mutaponela mu matunko. Umwenzo ukulondesya lelo umwili uutonte.”


Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”


Pempulini nu kupepa kuti mutaponela mu matunko. Umwenzo ukulondesya, lelo umwili uutonte.”


Lyene ntwalilila kulanda nu kupepa, ala nkuilongwela amaifyo yane na maifyo ya antu yane aina Izlaeli nga nu kupapata uku Mwene kuti awezezye Ng'anda yakwe ikulu vino yali.


ntatala nata kutaizya Leza pamulandu winu. Nemo nkaiusya kumupepela nga


Yawe watatezya kuno nkumupapata, Yawe watapokelela ipepo lyane.


Lekini upaalilo winu umuletele luzango. Tekini myenzo mu ntazi zinu, nga nu kupepa nsita zyonsi.


Cenjelini, pempulini, pano mutamanyile lino nsita ii iliza.


Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.


Onsi yakongananga lyonsi ku kupepa pamwi wiumba, pali pamwi na anaci nga na Maliya nyina wakwe Yesu nga na ina yakwe Yesu.


Alino ayanena ati, “Pacani mukukasula? Katukini mupepe kuti mutaponela mu matunko.”


Unguvwe nu kungazwa lino nkupepa kunuli, we Leza wane uwa ulungi. Lino nali umu ntazi, awewe wantuuzile. Ya na mizu kunondi nu kuuvwa ipepo lyane.


Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.


Nkataizya Leza, wino nkatumikila nu mwenzo uswepe, wakwe vino vikolwe vyane vyacisile. Nemo nkataizya Leza lyonsi kwaula kwilila wewe lino nkupepa, usiku nu musanya.


Lyonsi lino nkamupepela, nkapepa nu luzango


“We Yawe uwakwatila lyonsi aina Izlaeli uluse, pali pamwi nani kwene ne muomvi wako Solomoni, lilyo lyonsi lino twalila twati tutuulwe!


Alino Yawe amunena ati, “Natinuvwa ipepo lyako nga nu kupapata kwako kuno wacita pa manso yane. Nemo natimpaatula Ing'anda ii ino watukuula, nu kwikamo izina lyane pakuti antu yampepa mwenemo amanda pe. Namawakanga nu kucingilila Ng'anda iyo insita zyonsi.


Lino Solomoni wamalila kupepa kuli Yawe, akatuka nga aimilila pa nkolelo ya kavuwa, pano walafukime, ala atumpwile na makasa umwiyulu.


Nani kwene mwampepelako kuti Leza ampeele Landwe navwanga nu kupama apa kuleka kuti nkama i Landwe Lisuma imanyikwe.


Caleka Petulo asungwa mu ng'anda yaminyololo, lelo iuvi lyamupepelanga kuli Leza nu mute.


Yakobo walwisyanyizye nu mungeli nga amucimvya. Walizile nu kulenga uwazwilizyo kunoli. Leza wamukomenkinye ku Betele, nga alandana nawe kuku kwene.


Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.


We Yawe, wapezya antu yako, alino umu ulanda wao ali pakupapata kunuli.


Si angala we Yawe Leza witu waiusya ipepo lii cila nsita, pamwi ni vintu vyonsi vino nakulenga. Waelela aina Izlaeli uluse pee, kumwi nani kwene ne muomvi wako, ukulingana na vino tumalondanga amanda yonsi.


Pano nkauvwa kutemwa kuno wakwata ku antu yakwe Leza nga nu utailo uno wakwata mu Mwene Yesu.


“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.


Uzye wene angazangila muli wiyo Wamaka yonsi? Uzye wene angapepa kuli Leza umu nsita zyonsi kuti amwazwe?


Amupeela na kalata umwambule, pali yano yasalanganyizizye umu Susa, apali impwelo ya kuyalovya. Amulangizya kuli Esita apakuti nawe atezye. Nga alino acincizya Esita nu kupapata ukuti aye uku mwene alole vino angacitila umutundu wakwe.


Wene wali umuntu uwacindike Leza. Konelio pamwi na amu ng'anda yakwe yoopanga Leza. Wene wazwilizyanga Ayuda pakulu cuze, nupya wapepanga Leza lyonsi.


Naswe, sweisikulu lyene, tumaipelesya ku kupepa nga nu mulimo wa kukosola.”


Nkupepa kuti mwemo nga na antu yakwe Leza yonsi yamanyikisye kutemwa kuu vino kwasalala nu kutalimpa nu kusanzama nga nu kuzika.


Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.


Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”


Munoli namwe kwene mukukulwa nu kulundinkanyiwa kuti muye wikalo wakwe Leza mukuomba kwakwe Mupasi Wamuzilo.


mwana wakwe Metusela, mwana wakwe Enoki, mwana wakwe Yaledi, mwana wakwe Malaleli, mwana wakwe Kenani,


Pano tuvwa vya pa utailo winu uno mwakwata muli Klistu Yesu nga nu kutemwa kuno mwakwata pa antu yakwe Leza onsi.


Leza watumile Mupasi wa Mwana wakwe mu myenzo itu, pakusininkizya ukuti sweswe ana yakwe, Mupasi wino akati, “Abba, Tata wane.”


mwana wakwe Maati, mwana wakwe Matatiyasi, mwana wakwe Semeini, mwana wakwe Yoseci, mwana wakwe Yoda,


Lyonsi lino tukamupepela, swemo tukataizya Leza Isi wa Mwene witu Yesu Klistu.


Alino Hana atwalilila ukupepa kuli Yawe. Eli nawe ala akumulolekesya ku kanwa.


Lelo kusi cuze cingafumya mupasi wankota uwa musango uu, suka sile mwapepa nu kuizilizya ukulya.]


Swiv nou:

Piblisite


Piblisite