Efeso 6:13 - Amazwi Yakwe Leza 2013

¹³ Caleka ndakai muipangasye vyanzo vyakwe Leza. Lyene lino uwanda uwa uwipe uliza, mwemo mulaya na maka akuipokolola mukulolenkana nu mwanisi. Alino pacisila cakulwisya kufika nu kumpela, mulazyansya.

Efeso 6:13 Referans Kwoze

2 Kolinto 10:4

nanti kuomvya vyanzo vya muno nsi pa kulwa ulwi. Lelo mu cifulo cakwe cii, swemo tukaomvya maka yakwe Leza yano angonona malinga ya mwanisi. Swemo tukaonona kwelenganya kwa ntumpu

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Efeso 5:16

Mwaomvya insita zinu ningo pano manda ya ndakai aipe.

Luka 8:13

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

Malaki 3:2

Uzye aweni alaposya apa wanda uno wene alawela? Uzye aweni alimilila apa wanda uno wene alaloleka? Pasi pano wene alaya wa moto wakwe yasimusyanyi nanti wakwe sopo uwa muntu akufula.

Kasambilizya 12:1

Acino uwaiusya kaumba wako lino ucili umwance, lino amanda ni myaka ya ulanda itali ikufikile, lino ulavwanga uti, “Awe nemo ntatala nailyokezya.”

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Umbwilo 6:17

Pano wanda wa ukali wao wati wiza, uzye lyene aweni angimilila?”

Amosi 6:3

Mwemo musizumila ukuti uwanda uwa kuvunukwa ukwiza, lelo ivicitwa vinu iviipe vikucincizya ukwiza kwa wanda ulya.

Loma 13:12

Usiku uli pipi nu kusila, nu wanda uli pipi nu kuca. Caleka tute kucita milimo yamu mfinzi, tuzwale vya kulwila mu luswepo.

Yakobo 4:7

Caleka, mwayela Leza. Mwakanya Ciwa, nawe aluutuka kufuma kunomuli.

1 Petulo 4:1

Klistu wacuzile ku mwili lino wali pano pa nsi. Acino namwe kwene mulinzile kuikomelezya mweisikulu ni myelenganyizizye ili yonga na ino wene wakweti. Pano wino wensi uwacula ku mwili ala wene asyakukumako ku kwifya nupya.