30 Pano sweswe vilundwa vya mwili wakwe.
Mwamanya vino mili inu ivilundwa vya mwili wakwe Klistu. Uzye icisuma ndi natola cilundwa ca mwili wakwe Klistu nu kuti ciye cilundwa ca mwili wakwe cizelele? Citangacitika!
Mu musango uli onga kwene avino naswe twaya mwili onga muli Klistu, nupya swensi twailundanya kuli cila wenga ndi vino mwili onga waya ni vilundwa vipusanepusane.
Lyene umonsi avwanga ati, “Ndakai, wii ifupa ukufuma ku mafupa yane nu munyefu ukufuma ku munyefu wane. Amaamwangwa ‘umwanaci,’ pano wapangwa ukufuma ku monsi.”
Iuvi lili mwili wakwe Klistu umwazula aliwe wino akazuuzya vyonsi mu ufumaluke.
Nupya yene yata kulemana pamwi na Klistu, wino ali mutwe wi uvi. Klistu akapeela mwili maka, nupya wene akaomvya vilundwa vyakwe pamwi ni misipa kulundanya vyonsi pamwi, nga ukula ndi vino Leza akalonda kuti ukule.
(Pano kutaya umuntu umwi uwapata mwili wakwe. Mu cifulo cakwe cii, wene akawimula nu kuusunga ningo, wakwe vino Klistu akacitila iuvi lyakwe.)
