Efeso 5:27 - Amazwi Yakwe Leza 2013

²⁷ Wacisile cii kuti aleke iuvi liloleke ilyalulumbi nupya ilyamuzilo, ilyaula mulandu nanti iyala nanti mikwinya nanti ndema zyuze.

Efeso 5:27 Referans Kwoze

Kolose 1:22

Lelo ndakai kupitila mu mfwa ya Mwana wakwe yaku mwili, mwemo Leza wamucita kuya yacuza yakwe pakuti aleke muye amuzilo, asanguluke, nupya aula mulandu pa manso yakwe.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

1 Petulo 1:19

Lelo yene uwazi wamutengo wa mpolelwa yakwe Klistu, wino wakoline wa mwana wa mfwele uwaula indema nanti iyala.

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

2 Kolinto 4:14

pano twamanya ukuti Leza wino wazyukwile Mwene Yesu, naswe kwene alatuzyukula pamwi na Yesu nu kutufisya pa manso yakwe pamwi namwe.

Lwimbo lwakwe Solomoni 4:7

Ala uyembe we mukundwe wane! Ala utakwata indema.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.

2 Petulo 3:14

Acino, mwe yacuza, lino mucili mukulolela, mulinzile kusininkizya ukuti Mwene akamuzane akaele, aula maifyo, nu kwikala mutende pakasi kinu na Leza.

Yuda 1:21

Ikalini mu kutemwa kwakwe Leza. Lolelini Mwene witu Yesu Klistu, nawe alaya na mizu kunomuli nu kumupeela umi wape.

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

Masamu 45:13

Umwi sano kwene, ali muno mwaya umwana wa mwene umwanaci, nawe pasi pakuzipa! Ilaya lyakwe lyasumwa nu usavu wakwe zaabu.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Ezaya 62:3

Wemo ulaya wa cingala ca mwene, kuli Yawe.

Masamu 87:3

We musumba wakwe Leza, uvwa kuno uku vintu ivyakuzunguka vino Leza akukunena ati,

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.