Efeso 5:20 - Amazwi Yakwe Leza 2013

²⁰ Mwi zina lya Mwene witu Yesu Klistu, mwataizya Leza Tata lyonsi pa vintu vyonsi.

Efeso 5:20 Referans Kwoze

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

1 Tesalonika 5:18

nupya mwataizya Leza muli vyonsi. Vii avino Leza akalonda kuti mwacita mu umi winu muli Klistu Yesu.

Ayebulai 13:15

Lyene muli Yesu amuno lyonsi tulumbanyizizye Leza. Nupya lekini cii ciye wa kupeela impolelwa kunoli, ino tungati uli wila uno ukapelwa pa milomo ino ikamwama ukuti Mwene.

Filipi 4:6

Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.

Efeso 5:4

Nupya cisi cisuma ukuti mwemo mwavwanga mazwi auwelewele, amasiku, akowele, nanti akutumpa. Lelo mwemo mulinzile kutaizya Leza.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

Masamu 34:1

Namawanzyanga Yawe insita zyonsi. Ntalatonta uku mulumbanya.

2 Tesalonika 2:13

Inane, swemo tulinzile kutaizya Leza insita zyonsi pamulandu winu. Leza wamusolwile kufuma ku utandiko kuti mutuulwe kupitila mu maka a Mupasi Wamuzilo nga na pakutaila kuno mwataila cumi pakuti aleke muye antu yakwe amuzilo.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

Ezaya 63:7

Nemo namatakolanga ivyaya uluse lwakwe Yawe pee. Namamulumbanyanga pa vintu vyonsi vyakuzunguka vino wacita kunotuli. Watupolelela wakwe cimwi swe antu yakwe aina Izlaeli, pano wakwatisya uluse na mizu amuntaputuka.

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

1 Kolinto 1:4

Lyonsi nkataizya Leza wane pamulandu winu na pa cikuku cino wamupeela muli Yesu.

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.

Filipi 1:3

Lyonsi lino nkaiusya mwemwe, nkataizya Leza wane.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

1 Tesalonika 3:9

Ndakai tungataizya Leza witu pamulandu winu. Tukutaizya Leza pa manso yakwe pa luzango luno tukweti pamulandu winu.

Loma 1:8

Pa kutandika, nkutaizya Leza wane muli Yesu Klistu pali mwemwe mwensi, pano utailo winu uvwika ku antu amu nsi yonsi.

1 Kolinto 15:24

Alino mpelelekezyo iliiza nga Klistu ale watacimvya mawene yonsi, mauteko yonsi na maka yonsi, nga pacisila apeele Uwene kuli Leza Tata.