Efeso 5:14 - Amazwi Yakwe Leza 2013

¹⁴ Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Efeso 5:14 Referans Kwoze

Ezaya 60:1

Katuka yengesa, pano uluswepo lwako lwatilutandika, nga nu ucindami wakwe Yawe watiucatilizya pali wewe.

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

1 Tesalonika 5:6

Caleka lyene, swemo tutalinzile kukasula wa antu yauze. Tulinzile kulola nu kupempula.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Kolose 3:1

Mwemo mwazyukwilwe pamwi na Klistu nu kuya nu umi. Caleka ikini myenzo inu pa vintu vino vili mwiyulu, muno Klistu atenzi pa cilimba cakwe kwi kasa lilunji lyakwe Leza.

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

Yoane 9:5

Lino ncili mu nsi, nene luswepo pakasi ka antu amu nsi.”

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

2 Timoti 1:10

Lelo ndakai Leza wasokolola cikuku kupitila muli Katuula witu Klistu Yesu. Klistu wene wacimvya maka ya mfwa nga mwi Landwe Lisuma amuno wasokolola paswe umi uwa kuntafwa.

2 Timoti 2:26

Alino lyene yalaelenganya ningo nga yalatuulwa ku citeyo cakwe Ciwa, wino uwayalema nu kuleka kuti yayela kulonda kwakwe.

Milimo 13:47

Pano Mwene watupeela ilamulo lii, lyakuti, ‘Namucita kuya wa luswepo pa antu Akulukuwa, pakuti mutwale ilandwe lya ufyusi ku antu amu nko zyonsi.’”

Luka 1:78

Leza witu wakwatisya mizu. Alatutumila luswepo kufuma kwiyulu ululaengesa panotuli wa micalalazi yi lanzi katondo

Luka 15:24

Pano umwanane wii wafwile, lelo nupya ali nu umi. Waponzile, lelo ndakai watalondoka.’ Lyene yatandika kuzanga.

Efeso 2:1

Namwe mpiti mwali afwe ku mupasi pamulandu wa kuntayela kwinu na maifyo inu.