Efeso 4:29 - Amazwi Yakwe Leza 2013

²⁹ Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Efeso 4:29 Referans Kwoze

Kolose 4:6

Mvwango zinu zilinzile kuya zisuma nupya zyakuzanzya antu, nupya mulinzile kumanya musango uno mungaasukilamo umuntu ali wensi.

1 Tesalonika 5:11

Acino mwakomelezyanya nu kwazwana, wakwe vino ndakai mukucita.

Kasambilizya 10:12

Ivilandwa vya muntu wa mano vikamuletela ucindami. Lelo ivilandwa vya ciwelewele vikaciletela umusaalula.

Mapinda 15:7

Imilomo ya muntu wa mano ikasansanta ukumanya, lelo umwenzo waciwelewele wene usicita vivyo.

Mapinda 12:13

Umuntu mwipe akailetelela umwisikulu ni vitakwa vyakwe, lelo umuntu kacita wa visuma akaifuntusya uku viipe vyonsi.

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Mapinda 16:21

Uwakwata umwenzo wa mano, akaamwa umwiluke. Imivwangile ya ufuke, ikaazwa umu kusambilizya.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Masamu 52:2

Wemo watemwa ukupanga kucitila auzo iviipe, ululimi lwako lukoline nu lwembe ulukalipe, wemo watemwa ukutumpwila auzo.

Mapinda 15:23

Ukwasuka ningo kukasansamusya umuntu, nu kulanda amazwi asuma kwazipa.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Masamu 5:9

Ivikavwanga anisi yane visi vyakutaila foo. Yene yakalonda sile ukonona ivintu. Imvwango zyao izyakulyongofya, lelo zyazulamo amazwi yausomvi.

1 Petulo 3:1

Mu musango uli onga kwene mwe anaci mulinzile kuyela yaiya inu, pakuti ndi umwi munomuli wino atataila mazwi yakwe Leza walola vicitwa vinu visuma, nawe kwene ataile. Citange cilondekwe kuti mulande izwi kunoyali,

Efeso 4:16

wa mwili ukatungulula umwili onsi. Klistu uwalundanya mwili nga nu kuleka kuti cila cilundwa consi ca mwili caomba mu ufumaluke, alino nu kukula nu kukomeleka pamulandu wa kutemwa.

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

Masamu 71:24

Umusanya onsi, nemo namalandanga apa usuma wako, pano yayo akalonda ukuncita cimwi, wemo wayacimvya nu kuyalenga insonyi.

Masamu 45:2

Wemo wewe monsi umwi umusuma ukuluta yonsi nupya wewe kavwanga umwi akavwanga usaka sana. Umu cumi, Leza wakupolelela insita zyonsi.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

1 Kolinto 14:19

Lelo lino tukupepa mu ukongano wi uvi, nemo cinganzipila kulanda mazwi yasano sile yano yanguvwika pakuti nsambilizye yauze, kuluta kulanda mazwi mazimbi ikumi yano yatanguvwika ku antu yauze.

Loma 14:19

Caleka tulinzile kwezya kwikala mutende nu kwazwana kukwata utailo ukome.

Loma 15:2

Lelo cila muntu aezya kuzanzya mwina atali akome pakuti akomelezye utailo wakwe.

Yoane 1:37

Lyene lino alondezi oili yuvwa Yoane wavwanga cii, yalondela Yesu.