Efeso 4:17 - Amazwi Yakwe Leza 2013

¹⁷ Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Efeso 4:17 Referans Kwoze

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Kolose 2:4

Nkumunena, lyene, mutaleka umuntu umwi amutumpoke na mazwi antumpu, nanti angala yanguvwika kuya acumi.

1 Petulo 1:18

Pano mwamanya malipilo yano apilwe pakuti muye antungwa kufuma ku wikazi uwa ciwelewele uno mwasambilile ku vikolwe vinu. Malipilo yaa yatakoline wakwe siluva nanti zaabu wino akaononeka.

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Yelemiya 42:19

Yelemiya nawe ali pakwasuka ati, “Mwe! Mwemuno mwasyalako mu ina Yuda Yawe wamunena wati, ‘Mutezya muyeko ku Eguputo! Mucimanye ukuti ni musoka mu wanda wilelo.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

1 Timoti 6:13

Nkukupeela ilamulo pa manso yakwe Leza, wino akapeela umi ku vintu vyonsi, nga na pa manso yakwe Klistu Yesu, wino pakupeela umboni pa manso yakwe Pontio Pilato walanzile cumi cico. Nakunena ukuti

1 Timoti 5:21

Pa manso yakwe Leza na Klistu Yesu, nga na angeli yamuzilo nkukonkomezya wewe kuti uyele vyonsi vino nakutungulula kwaula kuya ni vikanza nanti kuwila kuli umwi muli vyonsi vino ukucita.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Efeso 4:22

Caleka tiini kucita micitile iipe iyampiti, ni miyele yakweyo yonsi ino ingamulovya.

Efeso 1:22

Leza wika vintu vyonsi pisika lya maka yakwe Klistu, nga pamulandu wa kuzipilwa kwi uvi, wene wamucita kuya Mwene pali vyonsi.

Galatiya 5:3

Nupya kwene nkusoka umuntu wensi ukuti ndi wazumilizya kuti asilamulwe, ale lyene alinzile kuyela Masunde yonsi.

Galatiya 3:17

Cino nkusenula cakuti Leza wacisile upangano na Abulaamu nga alaya kufikilizya. Masunde yatangasenula upangano uwo nanti konona ulayo wakwe Leza uno wacisile kulingana pa myaka myanda ini na makumi yatatu lino Masunde yakwe Mose yatali kuti yapelwe.

2 Kolinto 9:6

Mwiusye ukuti muntu wino akata imbezu zinono sile, wene alazombola vinono. Na wino akata imbezu zingi wene alazombola vingi.

1 Kolinto 15:50

Inane, nemo nkusenula ukuti mili itu iya minyefu nu wazi ilaola. Cii, cikusenula ukuti yene itangakumako ku Wene wakwe Leza uwa manda pe, nga ni cikaola citangingila mu cisiola.

1 Kolinto 1:12

Manye kandande ndi vii, cila muntu munomuli akulanda cimwi cipusane. Umwi ati, “Nemo nkalondela Paulo,” muze nawe ati, “Nemo nkalondela Apolo,” muze nawe ati, “Nemo nkalondela Petulo,” muze nawe ati, “Nemo nkalondela Klistu.”

Milimo 2:40

Petulo ayasoka mu mazwi nayauze aingi nga nu kupapata ati, “Ituulini mweisikulu ku uvunuko uli nu kwiza pa antu aipe amu mukulo uu ukowele!”

Neemiya 13:15

Pa nsita kwene ilya nga ndola antu mu mpanga yakwe Yuda yakuponda nu kufena amatingi pa Sabata. Nga na yamwi ala yakukolonganika nu kutulika ingano mu mitumba ala yakuomvya yapunda. Yamwi nayo ala yakusenda waini, matingi, misamvu, alino ni viya vya misango misango, ala yakuleta ku Yelusalemu pa wanda wi Sabata kwene. Alino njakalipila kuti yataezya kukazya vyakulya pa Sabata.

Luka 16:28

pano nkweti aina yane yasano. Leka apite akayaceule kuti nao yatakize ku cifulo cii ica ucuzi.’

Aina Levi 15:18

Pacisila cakulambalala nu kumanyana, umonsi nu mwanaci yoili yalinzile ukufulala umwili onsi, nupya yaye amifitalila kufika ku manguzi.”

Malango 27:10

Acino mwayela Yawe Leza winu nu kulondela amalamulo yakwe yano nkumupeela ilelo.”