Efeso 4:14 - Amazwi Yakwe Leza 2013

¹⁴ Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Efeso 4:14 Referans Kwoze

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

Yakobo 1:6

Lelo lino mukulenga cimwi mwataila kwaula kutwisika. Muntu ali wensi wino akatwisika wene wakolana wi imbi lya pali yemba lino likusunkwa ni cipupu.

Efeso 6:11

Mwaipangasya ni vyanzo vyonsi vyakwe Leza vino akumupeela, kuti muye azyansye ku citeyo cakwe Ciwa.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

2 Timoti 4:3

Insita iliiza lino antu yatalauvwa ku usambilizyo wa cumi. Lelo yene yalalondela vilondwa vyao aisikulu, nupya yalalonda yakasambilizya aingi yano alayazanzya pa kuyanena sile vintu vino yene yakulondesya kuuvwa.

Yuda 1:12

Antu yaa, mu vicitwa vyao vyansonyi yakolana na maala akowele lino mu kulya nao vimulo vinu vya utandano. Yakaisakamala sile aisikulu. Yakolana na makumbi akaululwa nu muza, lelo yatangaleta imvula. Yakolana ni miti isyaseeka vizao pa nsita yakweyo, ino yuuma, yatukulwa kumwi na masinte.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Galatiya 3:1

Mwe ina Galatiya viwelewele mwe! Uzye aweni watamupumvyanya? Nalondolola ningo pa manso inu mulandu wa mfwa yakwe Yesu Klistu pa lupanda!

Mateo 24:11

Na yakasema yaufi aingi yalaloleka nu kusomba antu aingi.

1 Yoane 2:26

Nkumulembela ukumusoka pali yao akwezya ukumusomba.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

Ezaya 28:9

Yene yakailizyanya pali nene yati, “Uzye Ezaya yano akalola ukuti angayasunda ayaweni? Yano walola ukuti yakaika amano ku mazwi yakwe ayaweni? Amazwi yakwe yalingine sile ukunena utunya tuno twacilumuka sile ukwiyele!

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

Mateo 11:7

Lino alondezi yakwe Yoane yaswililangamo, atandika kunena maumba vya pali Yoane ati, “Uzye mwaile ku lwanga kukulola cani? Uzye mwaile kukulola umuntu muzakantike wa mafwa akupungaila nu muza? Awe!

1 Kolinto 12:2

Mwamanya ukuti lino mwali antu atataila, mwaponziwe umu nzila zingi mu kupepa tuluwi tusivwanga.

Milimo 23:21

Lelo utakuvwe kunoyali, pano antu ukuluta pa makumi yani yalafisama nu kumuteyamila. Yati yalaya nu mulapo ukuti yatakutala yalye nanti kumwa cili consi suka yakome Paulo. Ndakai yati yaiteyanya kuti yacicite, nupya yakulolela sile vino wiza landa.”

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Masamu 59:3

Silola! Ayayo yatiyanteyamila. Antu ya lukang'ansi yatiyantenga. Asi mulandu wakuti nani natinifya, nanti ukuluvyanya penepo cimwi, awe.

Masamu 10:9

Akayafisamila umu matesi wakwe cisama. Wene akateyamila umupina, alino ndi wamulema mu citeyo cakwe amukwetela ukutali.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Yakobo 3:4

Nanti manye elenganyini ciwato cikulu. Nanti angala caya cikulu, cene cikasendwa ni miza ikome, nupya cingapindululwa ku kapindulwilo kanono sile. Alino lyene ciya konsi kuno kapisya akulonda kuti ciye.

1 Timoti 3:6

Wene alinzile kuya umuntu uwalengela mu utailo, pakuti ataitumika aye ni cilumba nu kuvunukwa ndi vino cacitikile Ciwa.

2 Timoti 1:15

Wamanya ukuti cila muntu mu muputule wa mpanga ya Asiya wansoloka, maka maka Figelo na Hemogenesi.

1 Kolinto 3:19

Pano cintu cino amu nsi yakwelenganya ukuti ica mano, cene uwelewele pa manso yakwe Leza. Cili ndi vino calembwa mu malembelo cati, “Leza akalema antu yamano mu ucenjezi wao.”