Efeso 4:11 - Amazwi Yakwe Leza 2013

¹¹ Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Efeso 4:11 Referans Kwoze

Yelemiya 3:15

Alino ndamupeela yakacema ukulingana ni vilatemwa umwenzo wane. Yene yalamucema ningo na mano.

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

2 Timoti 4:5

Lelo wemo ulinzile kuisunga muli vyonsi. Uwaposya mu macuzi yonsi. Omba mulimo uwakukosola Ilandwe Lisuma nga nu kuomba ncito yako yonsi wa muomvi wakwe Leza.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Efeso 4:8

Cili ndi vino calembwa mu malembelo cati, “Lino wene wakwezile papelapela kwiyulu, wasenzile azya aingi nga nu kupeela mawila ku antu.”

Efeso 3:5

Mu manda yampiti kutali umuntu nanti wenga uwamanyile nkama ii, suka lino Mupasi Wamuzilo waisokolwile ku atumwa na yakasema.

Loma 12:7

Ndi twapelwa uwila wa kutumikila, mu cumi tulinzile kutumikila. Ndi twapelwa uwila wa kusambilizya, mu cumi tulinzile kusambilizya.

2 Milandu 15:3

Apa nsita ntali aina Izlaeli yatenzi ukwaula ukutontela Yawe Leza wa cumi. Yatakweti nanti asimapepo wakuti angayasunda. Fwandi yatenzi ukwaula masunde.

Ayebulai 5:12

Mwemo mwapilwe insita ilinge yakuti muye yakasambilizya. Lelo mucili mukulonda umwi uwa kumusambilizya masambilizyo ankolelo amwi landwe lyakwe Leza. Mwemo mucili mukumwa iziya lino mulinzile kulya vyakulya vikome.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Milimo 21:8

Uwanda walondelela tukatuka tufika ku musumba wa Kesaliya. Tuya ku ng'anda yakwe Filipo kakosola wi Landwe Lisuma, wenga uwamu antu cinimbali asozilwe ku Yelusalemu, twikala nawe.

Milimo 13:1

Mwi uvi lyaku Antioki mwali yakasema na yakasambilizya yaa: Banaba, Simeoni (uwamwangwa mutifi), Lukio (uwafumile ku Kuleni), Manaeni (uwakuzile pamwi nu mulasi Helodi), nga na Saulo.

Umbwilo 21:14

Ilinga lya musumba lyakuuzilwe pa mufula uwa mawe ikumi na yaili, pano palemvilwe mazina ya atumwa ikumi na yaili a Mwana wa Mfwele.

Yuda 1:17

Lelo mwe yacuza yane akundwe, iusyini vino Atumwa ya Mwene witu Yesu Klistu yamunenyile.

1 Kolinto 12:4

Kwaya mawila apusane kufuma kuli Mupasi Wamuzilo, lelo Mupasi ali umwi kwene awino akapela.