Efeso 2:14 - Amazwi Yakwe Leza 2013

¹⁴ Pano Klistu umwisikulu uwatuletela mutende pa kulenga Ayuda na Akulukuwa yaye mutundu onga. Umwili wakwe auno wene waomvizye pa koomola lung'umba lwa lupato luno lwatupatukinye mu kutulenga kuya anisi.

Efeso 2:14 Referans Kwoze

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

Kolose 3:15

Mutende uno Klistu akapeela uwa kutungulula myenzo inu. Leza wamusolwile kuti mwikale mu mutende kwene uu, pano mwemwe vilundwa vya mwili onga. Nupya mulinzile mwataizya.

Efeso 2:15

Wene wonona ivyalembwa mu mpapulo zyakwe Mose pamwi na Masunde nga ni nkonka zyonsi zyakweyo. Wacisile cii kuti awikizyanye Ayuda nga na Akulukuwa kuti tuye wa mutundu onga upya uno walemana munoli mu mutende.

Kolose 1:20

Kupitila mu Mwana, Leza welenginye kuleta mutende ku viumbwa vyonsi. Wene wacisile mutende kupitila mu mpolelwa ya mfwa ya Mwana wakwe pa lupanda, nu kuleta viumbwa vyonsi kunoli, ivya mwiyulu ni vyamu nsi.

Kolose 2:20

Mwemo mwafwa pamwi na Klistu, pano mwafuma kukusambilizya kwa vintu vyamu nsi. Uzye lyene pacani mukwikala kwati mwemwe amu nsi? Pacani mukayela utantiko wa ntambi zyakuti,

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 10:28

Alino ayanena ati, “Mwemo mweisikulu mwamanya ningo vino Muyuda, ukulingana ni mipepele yakwe, atazumiliziwa ukulanda nanti ukuminkana na Akulukuwa. Lelo Leza watandanga vino ntalinzile nataka umuntu umwi ukuti wakowela nanti atasanguluka.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Yoane 10:16

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

Luka 1:79

nu kuyengesa pali yonsi yano aikala mu mfinzi nu mu cinzingwa ca mfwa, nga nu kututungulula mu kwikala umi wa mutende.”

Mika 5:5

Aliwe kwene alaleta umutende. Lino aina Asilya yalingila mu mpanga itu nu kutandika ukutuponyezya inkondo, tulatuma yamusika ya vita cinimbali, nanti intunguluzi zyamaka cinani ku kuyalwisya.

Ayebulai 7:2

Abulaamu nawe amupeela icikumi pali vyonsi vino wasenzile. Mekisedeki izina lino nkolelo likusenula ukuti “Kateeka wino akaleta uwololoke.” Cakwe ciili wene wali a kateeka wa Salemu, cikusenula ukuti, “Kateeka wino akaleta mutende.”

Efeso 4:16

wa mwili ukatungulula umwili onsi. Klistu uwalundanya mwili nga nu kuleka kuti cila cilundwa consi ca mwili caomba mu ufumaluke, alino nu kukula nu kukomeleka pamulandu wa kutemwa.

Efeso 3:15

Viumbwa vyonsi vya mwiyulu na pano nsi vikapelwa umi kufuma kuli aliwe.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Zakaliya 6:13

Aliwe kwene alankuulila Ng'anda yane ikulu ne Yawe, nupya alacindama wa mwene wa muno nsi, wiyo alaateeka na antu yakwe. Alakwatapo simapepo wenga wino alaaimilila pa cilimba cakwe ca wene, yonsi yoili yalauvwana nu kuombela ca pamwi mu mutende.

Esita 3:8

Lyene Hamani anena umwene Aasuwelo ati, “Umu antu ni mitundu ino ukateeka, mwaya mwenemo umutundu onga uno wasasantika monsi monsi umu mpanga yako yonsi. Umutundu uo wene waipaatula nu kukana londela masunde yako yano ukupeela uku antu yako. Amasunde yao yene yapusana na masunde ya antu amu mpanga ino wemo ukateeka. Caleka fwandi musambazi, ntanzi ndi cakuti wemo ungayazumilizya.

Efeso 2:17

Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.