Danieli 9:24 - Amazwi Yakwe Leza 2013

²⁴ “Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Danieli 9:24 Referans Kwoze

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Mpendwa 14:34

Mulacula pamulandu wi iifyo linu amanda amakumi yani, nu wanda onga mu manda yalya yano mwaile mwendezya impanga, ukwimilila umwaka onga. Ali pakuti mukacilole, mukasambilile vino kuvunukwa na Yawe kwaya!

Aina Levi 25:8

“‘Mwapenda imyaka cinimbali maila cinimbali, pamwi imyaka amakumi yani na fundimbali.

Milimo 3:22

Pano Mose wavwanzile ati, ‘Leza winu alamutumila kasema, wakwe vino wantumile. Wene alaya wenga uwamu antu inu, mukaamuvwa mu vintu vyonsi vino alamunena.

Ezaya 56:1

Yawe wavwanga wati, “Nemo nasya imupususye. Mwasya mulole vino ne mulungami nkacimvya. Fwandi mwemo mwacita sile ivyaololoke nga ni visuma.

Ezaya 51:6

Tumpulini amanso inu umwiyulu, mulolekesye na pansi. Amayulu yalaongoloka wa vyunsi, insi nayo ilasizya wa nsalu, na aikalansi yalafwa wa tuzizi. Lelo ufyusi wane ulaelelela pee, nga nu ulungami wane nao utalasila.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Ezaya 51:8

Pano akazizi kalayalya wa nsalu, kalalya ungati amavumbu ya mfwele. Lelo ulungami wane wene ulaelelela pee nu ufyusi wane umwalondenkanila inkulo.”

Masamu 45:7

Wemo watemwa ivintu ivilungame, wapata ivintu iviipe. Ali mulandu kwene uno Leza, uwaya Leza wako wakusolwile nu kukupelesya insansa izivule ukuluta apa yauzo.

Umbwilo 14:6

Nupya ndola mungeli muze akupapuka mwiyulu papelapela, ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ezekelo 4:6

Lino waca wamala amanda yao, ulaswilizya ukulala pansi, kuli kambazo wikasa lilunji. Alino nupya ukaitwike iifyo lya ng'anda yakwe Yuda, apa manda amakumi yani. Apakukupimila amanda yaa, natimpenda umwaka onga wa wanda onga.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

Ayebulai 9:26

pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

2 Milandu 29:24

Lyene yasimapepo yafyula imbuzi zizi nu kupeela uwazi waziko apa kavuwa wa wila wakulipila pa maifyo ya ina Izlaeli yonsi, pamulandu wakuti walanga umwene watapeela ilamulo lyakupeela uwila wakoca nu wila wakwelela amaifyo.

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

Ayebulai 10:14

Mu mpolelwa yonga kwene amuno wene walenga ukuti antu yano aswefiwa kufuma ku maifyo yaye afumaluke manda pe.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Kolose 2:14

Leza wafuta kalata wa nkongole zitu wino akalanda pa Masunde yakwe Mose. Kalata wali uwa milandu itu lelo wene wamusisya nu kumupampamila pa lupanda.

Kolose 1:20

Kupitila mu Mwana, Leza welenginye kuleta mutende ku viumbwa vyonsi. Wene wacisile mutende kupitila mu mpolelwa ya mfwa ya Mwana wakwe pa lupanda, nu kuleta viumbwa vyonsi kunoli, ivya mwiyulu ni vyamu nsi.

Milimo 3:14

Yesu wali uwamuzilo nupya mololoke, lelo mwemo mwamukanyile, nga mulenga Pilato kuti amusapwile inkomi mu cifulo cakwe.

Yoane 1:41

Lilyo kwene, alonda Simoni mwina wakwe, amuzana amunena ati, “Twati tuzana Mesiya.” (Kuli kuti “Klistu.”)

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Mateo 11:13

Ivyalembwa mu mpapulo zyakwe Mose na zyakwe yakasema vyakosozilwe kufika mu manda yakwe Yoane Kawatizya.

Mateo 1:21

Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

Ezekelo 28:12

“We mwana wa muntu, saula ulwimbo lwakulosya umwene waku Tuli. Munene ukuti ne Yawe nkunena umwene waku Tuli inti, ‘Wemo wali icilangililo cimalilike, amano yako yazile tupu nu kuyemba kufumaluke.

Nyimbo zya ndosya 4:22

Zioni watalipila api iifyo lyakwe. Yawe atalatwalilila ukututa tuye mu uzya. Lelo we Edomu, Yawe alakuvunuka. Wene alasokolola apaswe ni vyaukakasi wako.

Aina Levi 8:15

Lyene Mose akoma cipambasi, atoola uwazi umwi nu munwe wakwe, alino apaka pa mpembe zya kavuwa, kukazingulusya, nga akaswefya. Nupya aitila uwazi uze mwisika ya kavuwa, alino akapaatula. Mu nzila ii akacitila ulutambi lwa kufuta amaifyo.

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

Mateo 4:5

Lyene Ciwa amusenda ku Yelusalemu, Musumba Wamuzilo, amwika pa kansonsi ka Ng'anda ikulu yakwe Leza.

Luka 21:22

Pano yao yalaya manda ya cilanduzi, pakuti vyonsi ivyalembwa mu malembelo vifikiliziwe.

Milimo 4:26

Ya mwene ya nsi yaiteinye, nga na yakateeka yakongana pali pamwi kuti yalwisye Mwene Leza nga na Klistu wino wasolola.’

Ezekelo 4:5

Nakupimila mpiti amanda yi iifyo lyao. Ulasenda iifyo lya ng'anda yakwe Izlaeli apa manda imyanda itatu na makumi fundimbali (390).

Zakaliya 4:14

Umungeli nawe ati, “Antu yaa yaili ali yano Yawe umweneco wa nsi yonsi wapaka amafuta nu kuipaatwila pakuti awino yaombela.”

Ezaya 42:4

Wene atalatala atovoke nanti ukutonsiwa foo suka sile akaleke ulungami uye pano nsi, apamulandu wakuti impanga zya kutali zikulolela usambilizyo wakwe.”