Danieli 9:2 - Amazwi Yakwe Leza 2013

² ne Danieli napitulwike mu Malembelo yamuzilo ukulingana na mazwi yano Mwene wanenyile kasema, nga niluka ukuti Yelusalemu alaya wa citalang'anda apa myaka amakumi cinimbali.

Danieli 9:2 Referans Kwoze

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

2 Milandu 36:21

Acino fwandi icintu cino Yawe wavwanga ukupitila muli yakasema ali wakwe Yelemiya, casusile cafikiliziwa icikati, “Impanga yi ilasunga Isabata apa nsita yonsi ino ilikala iyononeke mpaka ikasuke ikasyukile ukupuza kwi Sabata, myaka amakumi cinimbali isuke ipite.”

Umbwilo 1:3

Walongo umuntu wiyo akawelenga lupapulo luu, walongo umuntu wino akauvwa ku mazwi yaa ausemo nu kuyela vino vyalembwa mu lupapulo luu! Pano insita yatipalama lino vintu vii vyonsi vilacitika.

Zakaliya 7:5

Atandika nu kunena ati, “Nena antu yonsi mu mpanga, unene na yasimapepo kwene ukuti lino yakuizilizya ukulya na lino yakulosya mu mwezi walenga cinimbali, apa myaka amakumi cinimbali yonsi ino yapita, uzye apamulandu wakwe nene, acino mwacitilanga cico?

Ezila 1:1

Umu mwaka wakutandikilapo uwa kuteeka kwakwe Kilusi umwene waku Pesya, izwi lyakwe Yawe lyafikiliziwe lino kasema Yelemiya wavwanzile. Lyene Yawe aleka Kilusi mwene waku Pesya akuntikilwa pakuti anguma imbila mu mpanga yakwe yonsi nu kulemba yakalata umwali amazwi akuti,

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Yelemiya 25:18

Yelusalemu ni misumba yaku Yuda, yamwene yao ni vilolo vyao, apakuti ice isanguke ulwanga nu kononeka. Ikawelwe nu kutipwilwa ndi vino caya nu mwilelo kwene.

Yelemiya 7:34

Ndamyalalika amu misumba yakwe Yuda nu mu miseo yamu Yelusalemu, impooma zya luzango ni nsansa alino ni zwi lyakwe siwinga na nawinga pano impanga ilasansamuka.”

Ezaya 64:10

Imisumba yako yamuzilo, lyene ili ntangali ntangali, amatongwa sile. Alino nu mu Yelusalemu kwene musile ivitotela vitupu.

1 Timoti 4:13

Kufika lino ndiza kuko, omvya insita na maka yako mu kuwelenga malembelo pa lwalala nu kukosola nu kusambilizya.

Milimo 8:34

Mutungwi auzya Filipo ati, “Unene, aweni wino kasema wavwangilepo cii? Uzye umweneco nanti umuntu muze?”

Mako 13:14

“Lelo lino mulalola ‘Ca winyi ca ononyi’ cimilila pa cifulo cino citalinzile kuyapo.” (Kawelenga ailuke vino ci cikusenula!) Lyene yonsi ali mu Yudeya yakuutukile ku myamba.

Mateo 24:15

“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Masamu 119:24

Vyeo vyako vikansansamusya, vili vino vikampanzya amano.

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 1:1

Yaa ali mazwi yakwe Yelemiya, umwana umonsi wakwe Hilikiya, wenga wamuli yasimapepo aku Anatoti, mu mpanga yakwe Benjamini.

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.

Zakaliya 1:12

Lyene umungeli wakwe Yawe avwanga ati, “We Yawe Wamaka yonsi, uzye ukufika lilaci lino utalaya na mizu ku ikazi amu Yelusalemu nu mu misumba yaku Yuda, yayo yano waponyezizye ukali wako pa myaka amakumi cinimbali?”

Ezekelo 29:11

Mutalapita ulwazo lwa muntu, nu lwazo lwa nyama lutalalyatamo. Impanga iyo ilasyala ulwanga ukwaula uwakwikalamo imyaka amakumi yani.