Danieli 4:2 - Amazwi Yakwe Leza 2013

² Caticinzanzya kuti munene ivinjelengwe ni vizungusyo vino Leza Wapapelapela wancitila.

Danieli 4:2 Referans Kwoze

Danieli 3:26

Acino Nebukadineza aya ku mulyango wi lungu lya moto nga apunda ati, “Syadilaki! Mesyaki! Abedinego! Mwe aomvi yakwe Leza Wapapelapela, fumini mumo! Izini kuno!” Caleka lilyo kwene Syadilaki, Mesyaki na Abedinego yafuma mu moto.

Masamu 66:16

Mwe! Mwemwe mwensi mwe muno mwakwatila Leza icoopo, ndanji muvwe, namamunena vino Leza wancitila.

Masamu 71:18

Nanti lyene nemo ninkota, ninkwata ni mvwi, ala utandekelezya we Leza! Uwaya nani lino nkulumbilizya amaka yako nu ukama wako, ukufika ni nkulo iiliza uku nkolelo.

Masamu 51:14

Untuule uku mpanzela, Leza we katula wane. Alino nu lulimi lwane lumakulumbanyanga apa ulungi wako.

Yoswa 7:19

Lyene Anena Akani ati, “Uwi mwanane, sungala ulande icisinka pa manso yakwe Yawe Leza wa ina Izlaeli nga wemwisikulu uilongwele kunoli. Unene sile vino watucita, utezya umfise nanti kamwi.”

Yoane 4:48

Yesu nawe amunena ati, “Kusi umwi uwa munomuli angataila, suka ndi walola vilangililo ni vizungusyo.”

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 4:24

“Lyene, we musambazi, muu, amuno iciloto ciile, nupya Leza Wapapelapela watalamula icilakucitikila.

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Danieli 6:27

Wene akapususya nu kutuula. Wene akacita ivizungusyo ni vinjelengwe. Wene watatuula Danieli kuli yacisama yatamukoma.’”

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Yobo 7:14

Lelo wemo ukungofya uku viloto. Ukandanga ivilolwa vimwi ivyakumpelenganya,

Masamu 65:9

Pano nsi, awewe ukasunga impanga nu kuiletela imvula. Ukalenga ukuti iye ikankala nupya iya muvundo. Ukalenga inguzi zizule amanzi apakuti antu yakontelela imbezu zyao. Vyonsi vii, awewe ukateyanya.

Danieli 2:1

Mu mwaka wakwe ciili uwakuteeka kwakwe, Nebukadineza walosile iciloto. Cene camusakamike wakwe cimwi cakuti waposiwe nu kukasula.