Danieli 3:20 - Amazwi Yakwe Leza 2013

²⁰ Nga lyene apeela ilamulo ku asilika yamwi amu mpuka ya vita vyakwe kuti yanyepe Syadilaki, Mesyaki na Abedinego nu kuyasumbila mwi lungu lya moto.

Danieli 3:20 Referans Kwoze

Milimo 16:25

Pa nsita imwi, manye usiku pakasi, Paulo na Sailasi yapepanga nu kwimba inyimbo kuli Leza, na anyepwe yauze yakutikanga kunoyali.

Milimo 16:23

Pacisila cakumwa ivikoti ivingi, yayasumbila mu ng'anda yaminyololo, nga yanena kalinda uwamu ng'anda yaminyololo kuti ayasungisye.

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 1:7

Cilolo mukalamda apali pakuyatemela amazina apya ali ndi yaa: Danieli yati a Belitesyazali, Hananiya yati a Syadilaki, Misyaeli yati a Mesyaki, na Azaliya yati a Abedinego.

Danieli 3:19

Lyene umwene Nebukadineza asokela Syadilaki, Mesyaki na Abedinego wakwe cimwi, nga afinya na pa manso ku mulandu nu ukali. Acino apeela ilamulo lyakuti yapembelele ilungu lili amaila cinimbali ukuluta vino yalipembelelanga lyonsi.

Danieli 3:21

Acino antu yaa, yano yazwite imingila yao, amatolozi, ni vizwalo vyuze vyasyala, yayanyepa nu kuyasumbila mwi lungu lya moto.