Danieli 11:8 - Amazwi Yakwe Leza 2013

⁸ Wene alaswilizya ku Eguputo amaunkolanya yao yakwe tuleza twao nga na vyakwe zaabu na siluva ivyapilwe kuli tuleza tutu. Lyene alatala asye umwene waku katutu apacisila ca myaka imwi.

Danieli 11:8 Referans Kwoze

Ezaya 37:19

Twalola na vino yakaoca utuluwi tuleza twao, icakuti mucumi asi tuleza foo. Ivinkolanya vino aeneco yaipangila uku vimuti nu ku mawe, uku minwe yao.

Oseya 13:15

Nanti angala aina Izlaeli yakukula ningo wa vikona, ndatuma umuza ukaye waku kayeya, uno ulafuma mu lwanga nu kwiza kamya utufukoka kumwi ni vifula vya manzi. Anisi yalonona icuma cakwe ca mutengo ukome.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Danieli 10:3

Ntalile cakulya nanti cimwi cisuma nanti inyama ili yonsi, nanti kumwa waini, nanti kusakula inyele mpaka lino imilungu ilya yapisile.

Yelemiya 46:25

Yawe Wamaka yonsi, Leza wa ina Izlaeli, wavwanga wati, “Indi pipi nu kuleta uvunuko pali Amoni, Leza wakwe Teebesi. Ndavunuka na Falao kwene na Eguputo kumwi na tuleza twakwe na yamwene yakwe, nga na yayo yano yasintilila muli Falao.

Ezaya 2:16

Ali wanda uno ulauunzya ivimawato vyonsi vyaku Alabya ivikasimulisya apa luzi.

Yakapingula 18:24

Nawe aasuka ati, “Mwatimunsendela tuleza twane tuno naipangila nemwisikulu nupya mwatimunsendela simapepo wane, imupita. Lyene nemo insile minwe. Uzye lyene munganguzya uli muti, ‘Uzye icani icakusakamika?’ ”

Malango 12:3

Muce momolole utuvuwa twao, mutamole ni viumbili vya mawe, nu kuputola incesi zyakwe Asyela. Muputole nu tuluwi twakwe tuleza twao nu kulovya amazina yatuko mu ncende zizya.

Mpendwa 33:4

ala yakuzika na ana yao amayeli yano Yawe wakomile. Pa kucita vii, Yawe walanganga ukuti wene wakwatisya amaka ukuluta tuleza twa ina Eguputo.

Kufuma 12:12

“Pa wanda ulya usiku ndasalala mu mpanga ya Eguputo nu kukoma umwana wi yeli wensi umonsi. Iyeli lya muntu nga ni yeli lya nyama kwene ndakoma. Ndavunuka tuleza tonsi twamu Eguputo. Nene indi Yawe.

Utandiko 31:30

Nimanya mulandu uno wapitila, ukulondesya kuwela kumwinu. Lelo, uzye pacani cino wangiila tuleza twane?”

Danieli 11:9

Lyene umwene waku katutu alazanza impanga ya Eguputo, lelo yalamucocovya mpaka aswilile cisila.

2 Samueli 5:21

Lino aina Filisti yutwike nu kusya utuluwi twao papa kwene, Davidi na antu yakwe yatusenzile.