Danieli 10:9 - Amazwi Yakwe Leza 2013

⁹ Lyene lino nuvwile izwi lyakwe, impona pansi umu tulo utukulu, ala nu usyu wane ulozizye pa musili.

Danieli 10:9 Referans Kwoze

Danieli 8:18

Lino acili akulanda, impona pansi ala na mano yatiyapaama. Lelo Gabilieli andema, ankatusya nimilila.

Yobo 4:13

Cali kwati umu nsita ya usiku, lino iviloto vikapoka umuntu amano nu tulo itumulalikizya.

Utandiko 15:12

Lino ilanzi lyatemba, Abulamu akasula cuze, nga, ku tulo ntete zyangofyo zimulema cuze.

Luka 22:45

Lino wata kupepa, akatuka awela ku alondezi azana yakaswile, ala yati yanyomelwa na malanda.

Luka 9:32

Petulo na auze yano wali nao ala yati yanyomelwa nu tulo. Lelo lino yazyuka yalola kuyengesa kwa lulumbi lwakwe Yesu na antu yaili aimi nawe.

Lwimbo lwakwe Solomoni 5:2

Nemo nakaswile, lelo umwenzo wane walolanga. Nalosile kuno mukundwe wane akukonkonsya ku cisasa. Akuti, “Njulilako we mutemwikwa wane, we mukundwe wane, we nkunda yane, we unji. Umutwe wane watiutipata ku lumi, ni nyele zyane zyatizitipata kuli kungwi.”

Yobo 33:15

Leza akalandila antu umu viloto numu vilolwa vya usiku, lino yatiyalala nu kukasula utulo pa misanzi yao.

Utandiko 2:21

Lyene Yawe Leza aleka umuntu kuti akasule utulo twamfwa, nga lino acikaswile Leza asisya lumbazo longa lwa monsi, asililapo nu munyefu pa ciposi.

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Danieli 10:16

Lyene mungeli wilya, uwalolike wa muntu, atambika ikasa lyakwe nu kunkumya apa milomo. Alino nani ntandika kuvwanga, imunena inti, “Musambazi, cilolwa cii caticintembola cakuti ntangata ukuzakaza.

Habakuku 3:16

Ndi nuvwa vyonsi vii, awe Mwene nkuvwa intete. Ni milomo yane izakaza nu kulumanya incecete pamulandu wa congo. Umwili wane onsi iuma uti kwililili. Alino ni ngazo zyane izipumika pansi.