Danieli 10:8 - Amazwi Yakwe Leza 2013

⁸ Acino nasile nenga, ala nkulolekesya icilolwa cici cikulu. Munondi mutasile nanti amaka, nu usyu wane iupona cakuti kutali nanti wenga wakundooka.

Danieli 10:8 Referans Kwoze

Danieli 7:28

Kuu kuli kumalila kwa ulondolozi. Nuvwile intete cakuti nu usyu wane walolike usakamale, lelo ntanenyile umwi umulandu uu.

Habakuku 3:16

Ndi nuvwa vyonsi vii, awe Mwene nkuvwa intete. Ni milomo yane izakaza nu kulumanya incecete pamulandu wa congo. Umwili wane onsi iuma uti kwililili. Alino ni ngazo zyane izipumika pansi.

Danieli 8:27

Ne Danieli natembosile nu kulambalala amanda avule ala nene mulwale. Lyene inkatuka nu kuya ku kuomba umulimo uno umwene wampile. Lelo icilolwa campezizye amano nupya naposiwe ukwiluka muno calola.

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Mako 9:6

Wene pali pamwi na auze yuvwile intete cuze. Caleka atamanyile na cino akuvwanga.

Mateo 17:6

Lino alondezi yuvwile izwi, yuvwa intete cuze cakuti yapona pansi yafupime.

2 Kolinto 12:7

Lelo pakuti ntaitutumula pamulandu wa vintu vingi vyakuzunguka vino vyaumbwilwe nu Mwene kunondi, Leza wampile ca kuntota ca munga mu mwili wane icili wa nkombe yakwe Satana ino wazumilizye kwiza nguma.

Danieli 8:7

Naweni kuno wene akukunula suuku. Wene wali umusoke wakwe cimwi cakuti amupuma nu kuvuna impembe zyoili. Suuku atakweti amaka akuitasya. Yamutamile pansi nu kumulyatola, nga kutali umwi uwa kumutuula.

Utandiko 32:31

Lino ilanzi lyatunka. Yakobo afuma pa Peniwele ala akusinta pamulandu wa lutungu lwafyutwike.

Yoane 16:32

Lolini kasita kakwiza, endi, kati kiza lino mulasalangana, cila muntu alapita ukwakwe nga munsye nenga. Lelo mu cumi nsi nenga, pano Tata ali nani.

Kufuma 3:3

Alino Mose aelenganya ati, “Cii icizungusyo. Uzye pacani cino cimpuza cikupya lelo citakusikisa foo? Kampalamile pipi uleke ndolekesye.”

Danieli 10:16

Lyene mungeli wilya, uwalolike wa muntu, atambika ikasa lyakwe nu kunkumya apa milomo. Alino nani ntandika kuvwanga, imunena inti, “Musambazi, cilolwa cii caticintembola cakuti ntangata ukuzakaza.

Danieli 10:17

Uzye nemo, ne muomvi wako, ningalandana nawe uli, we Mwene? Nemo nimpomponteka nupya munondi musi umupu.”