Danieli 10:10 - Amazwi Yakwe Leza 2013

¹⁰ Lyene ikasa ilindema nu kunkatusya ala nkuzakaza mu makasa nu mu nteo.

Danieli 10:10 Referans Kwoze

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Yelemiya 1:9

Lyene Yawe atambika ikasa lyakwe, nga ankumya na pa milomo avwanga ati, “Lola, namaika amazwi yane mu kanwa kako.

Danieli 8:18

Lino acili akulanda, impona pansi ala na mano yatiyapaama. Lelo Gabilieli andema, ankatusya nimilila.

Danieli 10:18

Nupya kwene umungeli wilya ankumya, nga nani inkoma ukuluta.

Danieli 10:16

Lyene mungeli wilya, uwalolike wa muntu, atambika ikasa lyakwe nu kunkumya apa milomo. Alino nani ntandika kuvwanga, imunena inti, “Musambazi, cilolwa cii caticintembola cakuti ntangata ukuzakaza.

Danieli 9:21

Lino ncili nkupepa, Gabilieli, wino naweni mu cilolwa ca nkolelo, afuma akupapuka aiza pano nali. Yali insita yakupeela impolelwa ya manguzi.