Danieli 1:17 - Amazwi Yakwe Leza 2013

¹⁷ Caleka Leza apeela alumendo yaa yani amano nu kwiluka kwa misango yonsi ya vyalembwa na masambililo. Ukulunda pali cico, apeela Danieli amaka akulondolola ivilolwa ni viloto vya misango yonsi muno viile.

Danieli 1:17 Referans Kwoze

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

1 Yamwene 3:12

Nani namacita cino watulenga. Namakupeela umwenzo wa mano nu kwiluka, uwakuti kutalatala kuye umuntu uwakulingana nawe, nupya pacisila cako kutalatala kuye umwi.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Yobo 32:8

Lelo umupasi wakwe Leza, uli uno ukaingila mu muntu nu kumupeela ukwiluka.

Danieli 2:23

Nkukutaizya nu kukulumbanya, we Leza wa vikolwe vyane. Wemo wampeela amano na maka. Watuasuuka ni pepo lyane nu kutulanga vyakuti tukanene umwene.”

Kolose 1:9

Pamulandu kwene uu swemo tukamupepela, kufuma pa wanda uno tuvwile vya pali mwemwe. Tukulenga Leza kuti amupeelesye umanyililo wa kucita kulonda kwakwe, mu mano yonsi nu kuvwikisya vino Mupasi Wamuzilo akapela.

Mapinda 2:6

Pano Yawe aliwe akapeela amano, aliwe kwene ali ntulo ya kumanya nu kwiluka

Milimo 6:10

Lelo yaposiwe kumutonsya pano Mupasi Wamuzilo wamupile amano yakuvwangilamo.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Milimo 7:22

Lyene Mose wasambiliziwe mano yonsi amu Eguputo, aya na maka mu kuvwanga nu mu vicitwa.

Danieli 10:1

Mu mwaka wakwe citatu wakuteeka kwakwe Kilusi umwene waku Pesya, uumbwilo wapilwe kuli Danieli (wino watemilwe izina lyakuti Belitesyazali). Ilandwe lyauko lyali lyacumi lelo lyali ilitale wakwe cimwi ukuvwa. Lyene lyalondolwilwe kuli Danieli mu cilolwa.

Ezekelo 28:3

Wemo ukwelenganya ukuti wewe wamano ukuluta Danieli cakuti kusi inkama izingafiswa kunuli.

2 Milandu 26:5

Wene waipile kuli Leza pa manda yonsi yano Zakaliya wamusambilizyanga pa kukwatila Leza icoopo. Na lyonsi lino waipile kuli Yawe, Leza wamupeelanga ulongo.

Mpendwa 12:6

Alino Yawe avwanga ati, “Uvwini amazwi yane. Lino kasema wakwe Yawe ali namwe, nkaisokolola kuli aliwe mu vilolwa, nu kulanda kunoli mu viloto.

Milimo 7:10

nu kumupususya mu macuzi yakwe onsi. Wamupile amano nu kutemwikwa ku cinso cakwe Falao, mwene wa Eguputo, pano lino Falao wamuweni amucita kuti aye mulasi wa mpanga ya Eguputo nu kuya cinda wa vyakwi sano.

Danieli 7:1

Mu mwaka uwakutandika uwa kuteeka kwakwe Belisyazali umwene waku Babiloni, ne Danieli nalosile iciloto nga naweni icilolwa usiku. Nalemvile iciloto cici.

Danieli 2:19

Lyene usiku ulya uli umwi kwene inkama ilya yasokolwilwe kuli Danieli mu cilolwa, nga nawe alumbanya Leza wa kwiyulu

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Ezaya 28:26

Umulimi akamanya ningo ivyakucita, pano a Leza awino wamusambilizya ivyakucita.

Kasambilizya 2:26

Leza akapeela amano, ukumanya nga ni nsansa ku antu akamuzanzya. Lelo akalenga kuti yakaifya yaombe nu kulonka icuma pakuti yangapeela icuma cao ku antu akazanzya Leza. Ala cii icasilesile. Cili wa kuzinganya umuza.

2 Milandu 1:10

Ali cino fwandi nemo nakulenga sile kuti umpeele amano na malango akuti nteeke ningo antu yako. Pasi pano ntanzi vino ningateeka antu yako nyanya wakwe yaa!”

1 Yamwene 3:28

Lino antu yonsi amu Izlaeli yuvwa upinguzi uno umwene wapingwile, iyatandika ukoopa umwene, pamulandu wakuti yaweni ukuti akweti amano ukufuma kuli Leza akulungika umu kuputula kwa milandu.

Danieli 8:1

Mu mwaka wakwe citatu uwakuteeka kwa mwene Belisyazali, nakweti icilolwa cakwe ciili.

Danieli 5:14

Nuvwa ukuti umupasi wakwe yaleza amuzilo uli munuli nga nu kuti wemo walamoka, wakwata umanyililo nga na mano akuzunguka.

2 Milandu 1:12

nani fwandi namakupeela amano na malango akuteekela mwenemo antu yane. Namakupeela icuma nu ukama pamwi nu lulumbi kwene, cino yayo akukolelile yatatazile yakwate, nanti alalondelela icisila cako yatalatala yakwate.”

Danieli 1:4

mu alumendo yano yatakwata indema nanti imwi, ayembe mukuloleka, yayo acincile ukusambilila, apakuti yene yangalinga ukutumikila mwi sano lya mwene. Asyipenazi wapilwe umulimo wakuyasambilizya kuwelenga nu kulemba icilimi ca ina Babiloni.

Danieli 1:18

Apacisila ca myaka itatu ino umwene wisile kuti yayatwale kunoli, Asyipenazi, cilolo mukalamba atwala alumendo yonsi kuli Nebukadineza.

Danieli 1:20

Mu vintu vyonsi ivikumile amano nu kwiluka vivyo vino umwene wayuzyanga, wazananga ukuti alumendo yaa yani yalusile amaila ikumi amamanyamano yonsi kumwi na yakasapoola amu wene wakwe onsi.

Danieli 2:30

Lyene inkama ii yatisokololwa kunondi, asi pamulandu wakucenjela ukuluta ali wensi, lelo apakuti we musambazi ungamanya muno iciloto ciile nu kwiluka vino vizile mu mutwe wako.

Danieli 4:6

Acino napiile ilamulo kuti yandetele antu yamano yonsi amu Babiloni pakuti yanene muno iciloto ciile.