Danieli 1:15 - Amazwi Yakwe Leza 2013

¹⁵ Apa mpela ya manda yalya ikumi, alumendo yaa yaloleka atelepelele nupya amalamba ukuluta yayo alyanga vyakulya vya kwisano.

Danieli 1:15 Referans Kwoze

Kufuma 23:25

Ndi mwampepa nene ne Yawe Leza winu indamupolelela. Ndalenga kuti muye ni vyakulya nga na manzi, nu kulenga kuti mutalwala.

Mateo 4:4

Yesu amwaasuka ati, “Calembwa mu malembelo cati, ‘Muntu atangaya nu umi pa cakulya citupu, lelo pa kuyela mazwi yonsi yano Leza wavwanga.’ ”

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Hagai 1:9

Mwemo mukupaalila ukuzombola ivivule, lelo silolini vino mwazombola sile tunono. Lino mwakoozyanga ivilimwa vinu, anene navipasanga nu kuvisalanganya. Acino nene ne Yawe Wamaka Onsi nkumuuzya nkuti, “Uzye apacani cino nacitilanga vii kuno muli? Apamulandu wakuti Ng'anda yane ikulu icili cipompa lino mwemo mukutwalilila ni milimo inu, nu kwikala umu mang'anda inu asuma.

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Masamu 37:16

Utunono tuno umuntu mololoke wakwata, twaluta apavyuma ivingi ivya mwipe.

Danieli 1:14

Acino kalinda wilya pali pakuzumilizya Danieli na yacuza yakwe ukucita cicyo, ayezya umu manda ikumi.