Ayebulai 4:2 - Amazwi Yakwe Leza 2013

² Pano naswe kwene tuvwa Ilandwe Lisuma ndi vino yene yuvwile. Yene yuvwile landwe lelo litayacitile visuma vimwi, pamulandu wakuti lino yuvwile yatalipokelile nu utailo.

Ayebulai 4:2 Referans Kwoze

1 Tesalonika 2:13

Nupya kuli mulandu nauze uno swemo tukataizya Leza lyonsi. Lino twamuletile mazwi yakwe Leza, mwemo mwayuvwile nu kuyapokelela, asi wa mazwi ya muntu lelo wa mazwi yakwe Leza, nu mucumi akwakwe. Ndakai Leza akuomba muno muli mwe muno mwataila.

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

Loma 2:25

Wemo ndi ukayela Masunde yakwe Leza ale kusilamulwa kwako kungakuzipila. Lelo ndi usyayela Masunde, ale kusilamulwa kwako ukwasilesile.

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Yakobo 1:21

Acino lekini kucita vya winyi nu ukakasi onsi. Tontelini Leza nu kuzumila mazwi yano akaika mu myenzo inu, yano angamutuula.

Ayebulai 4:6

Nalikwene Leza wateyanya kuti antu yamwi yalingila mu kupuza kwakwe. Lelo auvwile Ilandwe Lisuma nkolelo yatingile pamulandu wakuntayela.

1 Kolinto 13:3

Ningapela vyonsi vino nkweti nu kupeela mwili wane kuti antu yawoce. Lelo ndi ntakweti kutemwa, ale pasi usuma umwi.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Galatiya 4:13

Wakwe vino mumanyile lino natandike kukosola Ilandwe Lisuma kunomuli nali nene mulwale.

Milimo 3:26

Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”

Malango 1:32

Lelo nanti namunenyile vii, nalyo kwene mutataile Yawe,

Loma 3:3

Nanti angala yamwi munoyali yatali akutailwa, uzye kuntaya akutailwa ukungalanga ukuti Leza nawe ataya uwakutailwa?

Galatiya 3:2

Ningatemwa kumanya cintu conga kufuma kunomuli. Uzye mwapokelile Mupasi Wamuzilo pa kuyela Masunde nanti mukuuvwa nu kutaila Ilandwe?