Ayebulai 2:3 - Amazwi Yakwe Leza 2013

³ Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Ayebulai 2:3 Referans Kwoze

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Loma 2:3

Lelo yame ndu kacita viipe nga ala ukupingula auzo pali vino nawe kwene ukacita, uzye ukwelenganya vino ulaleuka upinguzi wakwe Leza?

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Milimo 4:12

Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”

Ezekelo 17:15

Lelo umwene waku Yuda wene wasangukile umwene waku Babiloni, watumile inkombe uku Eguputo, apakuyalengako imfwalasi ni vita ivivule. Uzye umuntu wamusango ndi uo angasyuka? Uzye ndi wacita vivyo yatange yamucitepo cimwi? Uzye angonona upangano ukwaula kuti yamufulwilepo?’

Ayebulai 4:11

Lekini lyene tucite consi cino tungacita kuti twingile mu kupuza kuku, pakuti kutaya umwi munotuli uwakuposiwa ndi vino cali kuli yaya pamulandu wa kuntataila kwao.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Luka 1:2

Antu yaa yalemba vino tuvwile kuli yakambone aviweni kufuma ku utandiko, yano ali yakakosola.

Umbwilo 7:10

Lyene yapunda ni zwi likulu yati, “Ufyusi ukafuma kuli Leza witu, wino uwikala pa cilimba ca wene, nga nu ku Mwana wa mfwele!”

Tito 2:11

Pano Leza wasokolola cikuku cakwe ca kutuula antu onsi.

1 Timoti 1:15

Muvwango uu, uwa cumi wakuti, Klistu Yesu wizile muno nsi ku kutuula yakaifya. Nupya nene kaifya uwaluta onsi.

Mateo 23:33

“Mwe nzoka mwe! Mwe ana ya nzoka mwe! Uzye mulapusuka uli ku uvunuko uwamu Gehena?

Ezaya 62:11

Yawe akulaizya ku mitundu yonsi, mpaka nu kumpela yansi ati, “Nenini umukazyana mwana Zioni muti, Katuula wakwe awiyo akwiza. Ali ni cilambu ca kucimvya kwakwe, watakolezya ni visampwe vyakwe.”

Ezaya 51:5

Ndakalauka zuwazuwa ukuleta upinguzi wane, nu ufyusi wane, uliza wa luswepo. Ikasa lyane lilapingwila imitundu. Aikala umu vilila yataila kunondi, yataila amaka yane.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ayebulai 4:1

Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Milimo 1:22

kutandika pa nsita ino Yesu wawatiziwe na Yoane kufika na pa wanda uno yamufumizye pakasi kitu asendwa kwiyulu.”

Yoane 15:27

Namwe kwene mulapela umboni pamulandu wane, pano mwaya nani kufuma lino natandike kuomba.

Luka 24:19

Nawe amuuzya ati, “Uzye vintu ci?” Nao yaasuka yati, “Vintu vyacitikile Yesu uwaku Nazaleti. Uwali a Kasema wa maka mu vicitwa nu mu mazwi pa manso yakwe Leza nga na pa manso ya antu onsi.

Mako 1:14

Lino Yoane yamunyepa mu ng'anda yaminyololo, Yesu waile ku Galile ku kukosola Ilandwe Lisuma lyakwe Leza.

Ezekelo 17:18

Pano umwene wiyo wasuula umulapo, nupya wonona upangano. Ala wene atange apusuke foo pamulandu wakucita ivintu vivyo.

Ezaya 51:8

Pano akazizi kalayalya wa nsalu, kalalya ungati amavumbu ya mfwele. Lelo ulungami wane wene ulaelelela pee nu ufyusi wane umwalondenkanila inkulo.”

Ezaya 20:6

Mu wanda ulya antu aikala mu nkumba yakwe yemba yalavwanga yati, ‘Silolini vino caya ku antu yayo yano twasintililemo. Swemo twatailanga ukuti ayano yalatwazwilizya nu kutukulula ku mwene waku Asilya! Owe mwe! Uzye lyene swemo tulapusuka uli?’”

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

Luka 1:69

Watapela kunotuli Katuula wa maka, uwamu luko lwakwe Davidi.

Mateo 4:17

Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Loma 11:14

Limwi mungaleka antu amu mutundu wane yuvwe uzuwa pakuti yamwi yatuulwe.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.

Yuda 1:17

Lelo mwe yacuza yane akundwe, iusyini vino Atumwa ya Mwene witu Yesu Klistu yamunenyile.